شعور نیوز( انٹرنیشنل ڈیسک): بھارتی نیوز ویب سائٹس کےمطابق غیرتمند مسلمان خاتون ڈاکٹر نصرت پروین نے حجاب والے واقعے کے بعد اُس ملازمت میں شامل نہ ہونے کا فیصلہ کیا ہے۔ اس ملازمت کے لیے انہیں حال ہی میں اپنا تقرری خط ملا تھا۔

ڈاکٹر نصرت پروین ایک آیوش ڈاکٹر بنی ہیں۔ آیوش کا مطلب AYUSHآیوروید، یوگا اور نیچروپیتھی، یونانی، سدھا اور ہومیوپیتھی کی تعلیم ہوتا ہے۔بھارت میں انگریز کے جبر سے مسلط کردہ ادویات کے نظام کی تباہیوں سے بچنے کے لیے متبادل علاج کے طور پر یہ کام شروع کیا گیا ہے۔ ہزاروں سال سے انسانوں کی شفایابی و صحت کے لیے علوم کو محفوظ کرکے ادارتی صف بندی میں ڈھالا گیا ہے۔اس کی مختصر تفصیل یہ ہے,

آیوروید: قدیم ہندوستانی نظام توازن اور قدرتی علاج پر مرکوز علاج و سحت کا نظام ۔
یوگا اور نیچروپیتھی: صحت مندی کے لیے یوگا، خوراک اور قدرتی علاج پر زور دیتا ہے۔
یونانی: قدیم یونان میں جڑوں کے ساتھ دوا کا ایک نظام، ہندوستان میں رائج تھا۔
سدھا: قدیم جنوبی ہندوستانی نظام علاج ،جس کی توجہ جسم میں پانچ عناصر (زمین، پانی، آگ، ہوا، خلا) کو جڑی بوٹیوں، معدنیات اور جانوروں پر مبنی علاج کا استعمال کرتے ہوئے متوازن کرنے پر مرکوز ہوتی ہے ۔
ہومیوپیتھی طریقہ علاج

اسی تعلیم میں ڈگری لینے والی ڈاکٹر نصرت پروین کو سرکاری نوکری کے اپائنمنٹ لیٹر کی تقسیم میں شرکت کے دوران انتہائی شرمناک واقعہ پیش آیا۔

خاتون ڈاکٹر کے بھائی نے بھارتی چینل کو بتایا، ’وہ نوکری جوائن نہ کرنے کے لیے پرعزم ہے۔ تاہم، مجھ سمیت خاندان کے تمام افراد اسے قائل کرنے کی کوشش کر رہے ہیں۔ ہم اسے کہہ رہے ہیں کہ یہ دوسرے شخص کی غلطی ہے، تو وہ کیوں برا محسوس کرے یا اس کی وجہ سے تکلیف اٹھائے۔‘ خاتون ڈاکٹر کے بھائی کولکاتہ میں مقیم بھائی سرکاری لاء یونیورسٹی میں پروفیسر ہیں۔