شعور نیوز ( ویب ڈیسک) : پاکستانی نوجوانوں کی طرف سے افغانستان کے خلاف بنائی گئی پروپیگنڈہ وڈیو پر عوام نے سخت رد عمل دے دیا ۔سوشل میڈیا پر میم بنانے کے کئی مواقع و پہلو ہوتے ہیں ۔ ایک انتہائی اہم سنجیدہ معاملے پر جس میں سیکڑوں پاکستانی عوام ہی نہیں سیکڑوں افواج پاکستان کے سپاہیوں نے اپنی جانیں دے دی ہوں ۔ اس معاملے پر ایسی غیر سنجیدہ ، نفرت آمیز وڈیو نے عوام میں جگہ بنانے کے بجائے منفی تاثر دیا ہے۔

اہم بات یہ ہے کہ پاکستان کا واضح بیانیہ ہے کہ پاکستان کے دو صوبہ جات میں ہونے والے مختلف حملوں کے پیچھے افغانستان میں کچھ ایسے دہشت گرد ہیں جو اُس کی زمین استعمال کرتے ہیں ۔ پاکستان نے اُن حملوں کو ختم کرنے یا روکنے کے لیے فوجی کارروائی کی ہے تاکہ پاکستان میں امن قائم ہو سکے ۔

اس وڈیو میں ایسا کوئی سنجیدہ بیانیہ نہیں پیش کیا گیا بلکہ افغانستان کو مجموعی طور پر نشانہ بنا یا گیا۔ تندور سے جوڑ کر اور اُن کی نسل پر عیب چینی کرکے نظریہ پاکستان ، تصور امت دونوں کو نقصان پہنچایا گیا ہے۔

سوشل میڈیا پر ایک وڈیو اور گردش میں ہے جس میں کچھ ایسا دکھایا گیا ہے کہ یہ وڈیو پاکستان کے وزیر اطلاعات کے اپنے گھر میں بنائی گئی ہے۔اس حوالے سے کوئی حکومتی موقف نہیں آیا ہے مگر اپوزیشن ہی نہیں عام عوام کو بھی اس وڈیو پر سخت تشویش اور تکلیف ہے۔