شعورنیوز( انٹرنیشنل ڈیسک): آسٹریلوی ریاست وکٹوریہ کے ایک ٹربیونل نے جمعرات کو فیصلہ سنایا کہ مرکزی میلبورن کی ریلی میں "تمام صیہونی دہشت گرد ہیں" کا نعرہ نسلی اور مذہبی توہین کا باعث بنا، اس نعرے نے غزہ میں حماس کے خلاف اسرائیل کی جنگ پر جائز سیاسی احتجاج کے طور پر کام کرنے کی بجائے بڑے پیمانے پر یہودیوں کو نشانہ بنایا گیا۔

میلبورن کی یہودی کمیونٹی کے وکیل نے برگرٹری ریسٹورنٹ چین کے سابق مالک اور ایک ممتاز اسرائیل مخالف، فلسطینی حامی کارکن، ہاش طیب کے خلاف مقدمہ دائر کیا ہے، جس نے مئی 2024 میں ایک ریلی میں نعرے کی قیادت کی اور اس یہودی وکیل کو اس نعرے کے ذریعہ دہشت گرد قرار دیا۔

یہودی وکیل نے کہا کہ ’کسی ایسی چیز کے لیے جس میں میری کوئی ذمہ داری نہیں اُس کے لیے مجھ پر 'دہشت گرد' کی توہین آمیز اصطلاح کا لیبل لگانا میری روح کو تباہ کرنے والا عمل ہے۔میں نے اس نعرے کو اپنے لیے غیر انسانی محسوس کیا۔ میں تو اب میلبورن شہر میں جانا محفوظ محسوس نہیں کرتا۔‘

دوسری جانب ہاش طیب نے کورٹ کو یہ دلیل دی کہ یہ نعرہ اسرائیلی حکومت اور اس کے حامیوں پر لگایا گیا تھا، یہودیوں کی طرف نہیں، اور یہ کہ احتجاجی نعرے اسی طرح کے ہوتے ہیں ان کا خاص سیاق وسباق ہوتا ہے ۔

ٹریبونل نے اس کے مضبوط دفاعی دلائل کو مسترد کر دیا، نسلی اور مذہبی رواداری ایکٹ 2001 کے تحت اس نعرے کو نسلی اور مذہبی گروہ کے خلاف نفرت کو ہوا دینے کے مترادف قرار دیا۔ آسٹریلوی سام دشمنی پر نظر رکھنے والے ادارے جیوش سینٹر فار لاء اینڈ جسٹس نے اس فیصلے کا خیرمقدم کیا

25 مارچ کو ہدایات کی سماعت اس بات کا تعین کرے گی کہ اب ایسے احتجاج کے لیے کون سے نئے احکامات یا ہدایات نافذ کی جائیں گی۔

یہودی وکیل نے کورٹ سے کہا ہے کہ وہ فلسطینی مسلمان کو آئندہ ایسے نعرے سے روکے اور 20 ہزا ر آسٹریلوی ڈالر خیرات کرنے کی استدعا کی ہے۔

7 اکتوبر 2023 کو حماس نے اپنی زمین کی قابض اسرائیل سے آزاد ی کے لیے جو بھی کیا اس کے بعد سے دنیا بھر میں سام دشمنی کی لہر میں آسٹریلیا کی یہودی برادری بھی متاثر ہوئی ہے۔