شعور نیوز( انٹرنیشنل ڈیسک):ایرانی میڈیا نے ایران کے سپریم لیڈر آیت اللہ خامنہ ای کے امریکی حملوں میں نشانہ بننے کی تصدیق کردی ہے۔ اسرائیلی وزیراعظم نیتن یاہو اور امریکی صدر ڈونلڈ ٹرمپ نے بھی یہی دعویٰ کیا ہے کہ ایران کے سپریم لیڈر آیت اللہ خامنہ اُن کے حملوں کا نشانہ بن گئے ہیں ۔

فارس نیوز ایجنسی نے رپورٹ کیا ہے کہ خامنہ ای کی شہادت کے بعد ایران کی حکومت نے 40 روزہ سوگ کا اعلان کر دیا ہے۔ حکومت نے سات روزہ عام تعطیل کا بھی اعلان کیا ہے۔

قبل ازیں، امریکی صدر ڈونلڈ ٹرمپ نے دعویٰ کیا تھا کہ ایران پر کیا گیا حالیہ حملہ بہت کامیاب اور انتہائی طاقتور تھا۔ انہوں نے کہا کہ اس کارروائی میں ایران کو بڑے پیمانے پر نقصان پہنچایا گیا اور موجودہ صورتحال میں ایران بنیادی طور پر معذور ہو چکا ہے۔

صدر ٹرمپ کے مطابق اس حملے کے بعد ایران کو دوبارہ سنبھلنے میں کئی سال لگ سکتے ہیں۔ انہوں نے یہ بھی کہا کہ موجودہ تنازع لمبا چل سکتا ہے یا ممکن ہے چند دنوں میں ختم ہو جائے، یہ حالات پر منحصر ہوگا۔

صدر ٹرمپ نے کہا کہ خامنہ ای "تاریخ کے بدترین لوگوں میں سے ایک ہیں" اور انہوں نے ایرانیوں پر زور دیا کہ وہ "اپنا ملک واپس لے جائیں۔ذرائع نے بی بی سی کے امریکی ساتھی سی بی ایس کو بتایا کہ فضائی حملوں میں 40 کے قریب ایرانی اہلکار مارے گئے۔
ایرانی سپریم لیڈر کی سخت تناؤکے دنوں میں ان کی اپنے دفتر میں موجودگی نے یہ بھی واضح کر دیا کہ وہ ہمیشہ بے خوف و بے باک، عوام کے درمیان اور غرور و استکبار کے مقابل ذمہ داری کی پہلی صف میں ڈٹے رہے۔ایران میں ان حملوں میں بھی اندرونی جاسوسوں کا نیٹ ورک بے نقاب ہوا ہے جن کی مدد سے امریکہ و اسرائیل یہ نشانہ لگاسکے ۔اس سے قبل حماس کی قیادت ہو، ایرانی سابق صدر کا ہیلی کاپٹر ہو، ایرانی سائنسدان و جرنیل ہوں سب کے سب جس طرح نشانہ بنے ہیں وہ الارمنگ ہے۔