شعور نیوز( انٹرنیشنل ڈیسک):6دسمبر 1992وہ دن جب ایودھیا میں قائم 16ویں صدی کی تاریخی بابری مسجد کو پوری دنیا کے سامنے شہید کر دیا گیا۔ عالم اسلام میں اس طرح سے ہونے والے افسوس ناک واقعے کو 33 سال گزر چکے ۔مسجد کو شہید کر کے رام مندر کے تماشے کا افتتاح 22 جنوری 2024 کو کیا گیا یعنی 32 سال بعد۔

اس سانحے کے اثرات سے پھیلنے والا ’ہندوتوا ‘نہ صرف بھارت کے سماج کو نفرت کے روپ میں پیش کر رہا ہے بلکہ برصغیر کے مسلمانوں کے لیے گہری فکری شکست کے طور پر بھی سامنے آ یا ہے ۔دہائیوں سے جاری اس تنازعہ میں ایک اہم ادار ہ آرکیالوجیکل سروے آف انڈیا (ASI) تھا، جو کبھی بھی یہ جعلی دعویٰ ثابت نہ کر سکا کہ اس مسجد کے نیچے ہزاروں سال قبل کوئی مندر تھا۔

بابری مسجد:

ہندوتوا نظریہ دراصل صدیوں پر پھیلے ہوئے احساسِ کمتری، تاریخ سے بدلے، اور مذہبی جنون کا مجموعہ ہے۔بابری مسجد کی شہادت اس جنون کی پہلی منظم جھلک تھی۔ سب جانتے ہیں کہ یہ واقعہ کانگریس کے دور حکومت میں ہوا ، جو یہ سمجھانے کے لیےکافی تھا کہ کانگریس کی سیکولر چادر کے اندر متعصب ہندوتوا ہی موجود ہے۔

انتہا پسند حملہ آوروں کا تعلق بی جے پی، آر ایس ایس، وشوا ہندو پریشد اور بجرنگ دل سے تھا، انہوں نے کلہاڑوں، ہتھوڑوں اور دیگر اوزاروں سے بابری مسجد کو نشانہ بنایا تھا۔بابری مسجد کی شہادت کے دوران مسلمانوں کی طرف سے شدید احتجاج اور مزاحمت کی گئی، فسادات کے نتیجے میں 2000 سے زائد مسلمان شہید جبکہ ہزاروں زخمی ہوئے۔

ایک ایسی حرکت جو صرف پتھروں کا انہدام نہیں تھی، بلکہ ایک پوری قوم کی شناخت، تاریخ اور وجود پر حملہ تھا۔

یہ مقدمہ خود بھارتی مؤرخین، ججوں اور تحقیقاتی کمیشنوں کی رپورٹوں میں جھوٹا ثابت ہوا:

مسجد کی جگہ مندر ہونے کا کوئی سائنسی یا تاریخی ثبوت نہیں ملا۔ASI کی رپورٹ سیاسی دباؤ کا شکار ثابت ہوئی۔
سپریم کورٹ نے اپنے فیصلے میں مسلم فریق کو بےگناہ اور مسجد کی شہادت کو مجرمانہ عمل قرار دیا، مگر زمین پھر بھی ہندوؤں کے حوالے کر دی گئی۔یہ فیصلہ خود سیکولر انڈیا کے دعوے پر سوالیہ نشان تھا۔

یہ صرف انصاف کا قتل نہیں تھا، بلکہ ہمیں یہ سمجھانے کی کوشش تھی کہ بھارت کا سیکولرزم صرف کاغذی نعرہ ہے۔

🔥 بابری کے بعد: ہندوتوا کا پاگل پن تیز ہوتا چلا گیا

نریندر مودی نے ایودھیا کے رام مندر پر ’بھگوا ‘جھنڈا لہرایا تو ان کے جذبات کی عکاسی کرتی تقریر میں وہی بے بنیاد نفرت کا زہر تھا جو کئی دہائیوں سے آر ایس ایس اپنے کارکنان میں اتار رہی تھی۔

بابری مسجد کی شہادت نے ہندوتوا کے انتہاپسندوں کو یہ یقین دلایا کہ
“مسلمان کمزور ہیں… وہ احتجاج نہیں کریں گے… ان کی قیادت بےاثر ہو چکی ہے…”

اس ایک حادثے کے بعد پورے بھارت میں ایک لہر چل پڑی:

گجرات، مدھیہ پردیش، یوپی اور دہلی میں سیکڑوں چھوٹی بڑی مساجد پر حملے
وقف کی زمینوں پر قبضے
نئی مساجد کی تعمیر روکنے کے ہزاروں مقدمات
مسلمان مخالف بیانیہ اسکولوں کے نصاب تک میں شامل
آج صورتحال یہاں تک پہنچ چکی ہے کہ تاج محل کو بھی ‘ہندو مندر’ ثابت کرنے کی فلمیں اور مقدمے تک بن رہے ہیں

یہ صرف عمارتوں کا معاملہ نہیں—یہ مسلمانوں کی تہذیبی شناخت مٹانے کی کھلی جنگ ہے۔

🕯 مگر اصل مسئلہ صرف ہندوتوا نہیں — اصل مسئلہ مسلم بےحمیتی ہے

بابری مسجد کی شہادت کے بعد مسلمانوں نے بھارت سمیت پورے برصغیر میں اپنی بقا کا سہارا سیکولرزم کو سمجھا۔
انہوں نے یہ بھول گئے کہ:

مسلمان کبھی طاقت سے نہیں، تصورِ دین سے زندہ رہتے ہیں۔
ان کا تحفظ قانون نہیں، تصورِ حاکمیتِ الٰہی کرتا ہے۔
ان کی آزادی ریاست نہیں، جہاد اور غلبۂ اسلام کی فکر دیتی ہے۔

سیکولر قوم پرستی کو اللہ کا دین سمجھ بیٹھنے کا نتیجہ یہ نکلا:

مسلمان احتجاج کرتے رہے، مگر پالیسی نہیں بنا سکے۔
جذبات دکھاتے رہے مگر مزاحمتی وژن اختیار نہ کر سکے۔
مظلومیت بیان کرتے رہے مگر قیادت پیدا نہ کر سکے۔
سیاسی پارٹیاں بدلتے رہے مگر دین کا سیاسی مقصد بھول گئے۔

اور ہندوتوا نے اس کمزوری کا پورا فائدہ اٹھایا۔