شعورنیوز(انٹرنیشنل ڈیسک): برطانیہ کے شہر شیفیلڈ سے ایک نوزائیدہ بچی کے انتہائی لرزہ خیز اور ہولناک قتل کا واقعہ سامنے آیا ہے۔ اتوار کی صبح برطانوی پولیس کو شیفیلڈ کے

علاقے ونکوبینک کی ایک رہائش گاہ ہولی ویل ہائٹس میں ایک نوزائیدہ بچی کی حفاظت کے حوالے سے ہنگامی کال موصول ہوئی۔ پولیس اور پیرا میڈیکس نے موقع پر پہنچ کر بچی کو بچانے کی کوشش کی، لیکن وہ زخموں کی تاب نہ لاتے ہوئے دم توڑ چکی تھی۔ مقتولہ کی پوسٹ مارٹم رپورٹ نے سب کے رونگٹے کھڑے کر دیے، جس کے مطابق معصوم بچی کی موت چاقو کے پے در پے وار لگنے کی وجہ سے ہوئی۔

اس لرزہ خیز واردات کے بعد پولیس نے کُل سات افراد کو حراست میں لیا، جن میں سے اب پانچ ملزمان پر باقاعدہ فردِ جرم عائد کر کے انہیں عدالت میں پیش کیا جا رہا ہے۔ 2کو ضمانت پر رہا کر دیا گیا ہے ۔اس قتل کو چھپانے کی کوششوں میں ایک 15 سالہ نابالغ لڑکی بھی شامل ہے، جس پر جرم پر پردہ ڈالنے کی دفعات لگائی گئی ہیں۔ مقتل بننے والے اس گھر سے گرفتار ہونے والے باقی چار ملزمان کی عمریں 38-37-20-19 سال ہیں جن پر قتل،موت کا سبب بننے ،لاش یا شواہد چھپا کر انصاف کے راستے میں رکاوٹ ڈالنے کے سنگین الزامات عائد کیے گئے ہیں۔ بچی کی کوئی شناخت ابھی ظاہر نہیں کی جا رہی اور نہ ہی بچی سے قاتلوں کا کوئی تعلق ظاہر کیاگیا ہے تاہم پڑوسیوں کا مقامی میڈیا کو دیاگیا بیان یہ ہے کہ یہ لوگ 18 ماہ سے وہاں رہ رہے تھے لیکن خاتون کو کبھی حاملہ صورتحال میں انہوں نے نہیں پایا۔

مغرب میں اس قسم کے انتہائی اور ناقابلِ یقین حد تک سفاکانہ جرائم محض انفرادی پاگل پن کا نتیجہ نہیں ہوتے، بلکہ یہ اس مادی سرمایہ دارانہ نظام کی پیدا کردہ اخلاقیات کا شاخسانہ ہوتے ہیں، جس کی جڑیں سماجی بیماریوں میں پیوست ہوتی ہیں۔ یہ نظام سب سے پہلے انسانی رشتوں کے درمیان انفرادیت قائم کرکے حقیقی انسانی شرف کو ختم کردیتا ہے۔
اس نظام کا بنیادی فلسفہ "صرف اپنے بارے میں سوچنا" اور مادی لذتوں کا حصول ہے۔ جب انسان مسلسل معاشی دوڑ، تنہائی اور اخلاقی رہنمائی سے محرومی کا شکار ہوتا ہے، تو وہ شدید ترین نفسیاتی امراض اور تشدد کی طرف مائل ہو جاتا ہے۔ ایک نوزائیدہ بچی کو جنم لیتے ہی چاقو مار دینا اس بات کا ثبوت ہے کہ معاشرے سے انسانیت اور ہمدردی کا جنازہ نکل چکا ہے۔

شیفیلڈ کا یہ واقعہ صرف ایک معصوم بچی کا قتل نہیں، بلکہ مغربی دنیا کے اس کھوکھلے نظام کا نوحہ ہے جو معاشی ترقی کا دعویٰ تو کرتا ہے، لیکن انسان کو اندر سے وحشی اور درندہ بنا دیتا ہے۔