شعور نیوز ( انٹرنیشنل ڈیسک):غزہ پر 7 اکتوبر 2023 سے جاری حملوں کے 855 ویں خونی دن بھی 7 شہادتیں رپورٹ ہو چکیں۔وسطی غزہ میں اسرائیلی حملوں میں تین ، مغربی غزہ میں ایک رہائشی عمارت پر اسرائیلی فضائی حملے میں چار فلسطینی شہید ہو چکے۔مقبوضہ مغربی کنارے میں بھی اسرائیلی فورسز اور آباد کاروں کے چھاپے، گرفتاریاں اور حملے جاری ہیں۔

یہ ہے وہ امن معاہدے اور جنگبندی معاہدے کی حالت جو کئی ممالک کے دستخط اور عالمی امن کے دعویدار ڈانلڈ ٹرمپ کی سربراہی میں ہوا ۔

اس دوران ریاستہائے متحدہ کے صدر ڈونلڈ ٹرمپ نے اسرائیل کی طرف سے مغربی کنارے کے کئی حصوں کے الحاق کی صرف زبانی مخالفت کی ہے کیونکہ اس اقدام پر عالمی سطح پر تنقید بڑھ رہی ہے۔پیچھے سے اسرائیل کو کھلی چھوٹ ملی ہوئی ہے ۔اکتوبر 2023 سے اب تک غزہ پر اسرائیل کی نسل کشی کی جنگ میں کم از کم 72,032 مسلمانوں کی شہادت رپورٹ ہو چکی ہے جبکہ 171,661 زخمی ہو چکے ہیں۔

حماس موومنٹ نے کہا ہے کہ اسرائیلی قابض فوج غزہ کی پٹی میں جنگ بندی کی خلاف ورزیاں بڑھا رہی ہے اور جان بوجھ کر شہریوں اور ان کے گھروں کو "جھوٹے بہانے" بنا کر نشانہ بنا رہی ہے۔ترجمان نے ان فریقین پر زور دیا کہ وہ فیصلہ کن مؤقف اختیار کریں تاکہ اسرائیلی حکومت کو اپنی خلاف ورزیاں ختم کرنے اور جنگ بندی معاہدے کی پاسداری کرنے پر مجبور کیا جائے۔