شعور نیوز( ویب ڈیسک):جلیل القدر پیغمبر داؤد علیہ السلام کی شان میں کارٹون کی نمائش کا گستاخانہ منصوبہ سامنے آگیا۔سوشل میڈیا پر ڈیوڈ نامی کارٹون فلم کی نمائش پاکستان میں نیوپلیکس سینما کی صورت پیش کرنے کا ہولناک منصوبہ ظاہر ہوا ہے۔ مذکورہ کارٹون فلم امریکہ میں کرسمس چھٹیوں کے موقع پر جاری ہو چکی ہے ۔ اب پاکستان میں نیوپلیکس نامی سینما چین اس کو جاری کرنے جا رہی ہے۔متذکرہ فلم کے بارے میں وکی پیڈیا نے یہ بتایا ہے کہ یہ ایک اینیمیٹڈ میوزیکل ایڈونچر کامیڈی ڈرامہ فلم ہے جس میں پرانے عہد نامے میں کتاب کی سیموئیل سے ڈیوڈ کے کردار کو پیش کیا گیا ہے۔

علمائے کرام کا کہنا ہے کہ پاکستان میں ایسا نہیں چلنے دیا جائیگا۔مسلمانوں کا گناہ گار ہونا الگ معاملہ ہے اور عقیدے کی سطح پر گستاخ ہونا بالکل جدا معاملہ ہے۔فلموں ،ڈراموں کا اپنے جوہر میں ناپاک ہونا اپنی جگہ اہم ہے مگر اس میں پاک انبیائے کرام و مقدس ہستیوں کو داخل کرنا مزید ہولناک عمل ہے جسے مسلم معاشرت میں برداشت نہیں کیا جا سکتا۔اس لیے اس فلم کو فی الفور Ban کرنے کا مطالبہ کراگیا ہے۔

مقامی مسلمانوں کی طرف سے اس اعلان کے بعد سخت رد عمل آیا ہے۔لوگوں کا کہنا ہے کہ انٹرٹینمنٹ کے نام پر اس طرح کا کوئی مذہب مخالف کاروبار قبول نہیں کیا جائیگا۔لوگوں نے صدر، وزیر اعظم فیلڈ مارشل کو بھی اس حوالے سے متوجہ کیا ہے۔حضرت داؤد علیہ السلام پر اللہ نے اپنی پہلی کتاب ’زبور‘ نازل فرمائی ، مسلمانوں کے لیے تمام انبیائے کرام علیہ السلام کی عظمت ،عصمت ، بزرگی منفرد مقام رکھتی ہے۔

حقیقت یہ ہے کہ انٹرٹینمنٹ کو ایک جامع دھوکے سے نیوٹرل بنا کر پیش کیا گیا۔ یہ تو غیر اقداری ہے، بس ہنسی کھیل۔ تفریح کے لیے ۔ذہن کو ہلکا ،پھلکا کرنے کے لیے۔مگر تاریخ گواہ ہےکہ یہ ساری انٹرٹینمنٹ اول تا آخر دین کو ہماری زندگی کے دائرے سے نکالنے کے لیے ہی ہوئی ہے۔

حقیت یہ ہے عیسائیت کو یہ جمالیاتی ذوق کھاگیا،آپ جانتے ہیں کہ رینائسنز یعنی جب چرچ سے بغاوت شروع ہوئی تو سب سے پہلے خاکے داؤد علیہ السلام کے بنائے گئے۔بائبل کی تعلیم دینے کے لیے تصویر کشی کا یہ خوفناک سلسلہ پچھلے سال اولمپک میں عیسیٰ علیہ السلام کے بدترین گستاخانہ خاکوں تک چلا گیا ۔اس سارے عمل نے مذہب، مذہبی شخصیات، مقدس ہستیوں کے تقدس کوپامال کرکے ان کو اس طرح قابل ڈسکشن بنایا کہ اُن کی تعلیمات بھی گئیں اور شخصیت بھی۔امریکہ ہو یا مغرب وہ تو اپنی لبرل گندگی میں ڈوب چکا ہے۔ اُس کا سب کچھ بہہ چکا ہے۔امریکہ و یورپ میں انبیائے کرام کی شخصیت کو ہر قسم کے عنوان میں ڈھال کر بے وقعت بنادیا گیا ۔ یہی منصوبہ مسلمانوں کے اندر لانے کی بھی کوشش مستقل جاری ہے۔ فلموں اور ڈراموں نے سرمایہ دارانہ منہج میں جا کر مزید ہولناکی اختیار کرلی ، کیونکہ کروڑوں اربوں روپے کے بجٹ کولگانے کے بعد وصول کرنے کابھی مقصد ہوتا ہے۔