شعور نیوز( انٹرنیشنل ڈیسک):فلسطین کی سرکاری خبر رساں ایجنسی وفا کے مطابق جنگ بندی کے معاہدے کے باوجود جمعرات کی صبح سے غزہ کی پٹی میں اسرائیلی فضائی حملوں میں پانچ بچوں سمیت کم از کم 15 فلسطینی شہید ہوئے ہیں۔ یہ حملے جنگ بندی معاہدے کے بعد ہو رہے ہیں۔ دنیا سوال کر رہی ہے کہ ایک عظیم سیلوٹ کے بعد ہونے والاامن اور جنگبندی ایسے ہوتی ہے؟کیا 50+ میں سےکوئی ملک ونیزویلا کے صدر کے اغوا کی طرح قابض اسرائیلی وزیر اعظم کو بھی ان سنگین جرائم پر کسی کورٹ میں پکڑ کر لا سکے گا؟

فلسطینی محکمہ صحت کے حکام کا کہنا ہے کہ اسرائیل نے غزہ میں بے گھر لوگوں، گھروں اور ایک اسکول کے خیموں کو نشانہ بنایا۔غزہ شہر کے زیتون محلے میں ایک گودام اور مکان کو نشانہ بنانے سے چار مسلمان شہید اور متعدد زخمی ہو گئے۔

خان یونس کے علاقے میواسی میں ایک خیمے پر ڈرون حملے میں ایک خاتون اور دو بہن بھائیوں سمیت چار فلسطینی شہید ہو گئے۔جبالیہ پناہ گزین کیمپ میں بے گھر افراد کو پناہ دینے والے اسکول کی زد میں آکر ایک شخص شہید ہوا جبکہ بچوں سمیت آٹھ مسلمان زخمی ہوگئے۔یہ بھی بتایا گیا کہ بیت لاہیا، دیر البلاح اور بوریج پناہ گزین کیمپ میں خیموں اور گھروں کو نشانہ بنانے والے حملوں میں بھی شہادتیں ہوئی ہیں۔اسرائیلی جنگی طیاروں نے غزہ شہر کے شمال مغرب اور خان یونس کے مشرقی علاقوں میں مستقل شدید فضائی حملے کر رہا ہے۔ کچھ علاقوں میں انخلاء کی وارننگ جاری کی گئی جس سے خوف و ہراس پھیل گیا اور نقل مکانی کی لہریں پھیل گئیں۔

غزہ کی وزارت صحت نے کہا کہ 10 اکتوبر سے نافذ ہونے والی جنگ بندی کے باوجود اسرائیلی خلاف ورزیاں جاری ہیں، خلاف ورزیوں میں 425 فلسطینی مسلمان شہید ہو چکے ہیں۔غزہ کے شہری دفاع کے ترجمان محمود بسال نے نام نہاد عالمی برادری پر زور دیا کہ وہ شہریوں کو فوری تحفظ فراہم کرے۔

اہل غزہ تو ہر حال میں سرخرو ہی ہورہے ہیں ، اصل سوال تو اُن سے ہوگا جو اس ساری صورتحال پر نظریں بچا کر موضوع بدل لیتے ہیں اور اُن کی زندگی کے معمول پر کوئی فرق نہیں پڑتا۔