شعور نیوز( انٹرنیشنل ڈیسک):امریکی صدر ڈانلڈ ٹرمپ کی ایران کو ’سخت حملہ‘ کرنے کی تیسری مرتبہ دھمکی نے اُس کے ارادوں کو ظاہر کرنا شروع کردیا ہے۔ایران میں گزشتہ چند ہفتوں سے ملک کے مختلف حصوں میں مظاہرے جاری ہیں، جن کی فوری وجہ شدید مہنگائی، کرنسی کی قدر میں تیز سے کمی اور معاشی مشکلات بتائی جا رہی ہیں۔ ان مظاہروں کے ساتھ ہی امریکہ کی جانب سے کھلی دھمکیوں اور بیانات نے صورتحال کو محض داخلی مسئلہ نہیں رہنے دیا بلکہ اسے ایک بڑے جغرافیائی و سیاسی تناظر سے جوڑ دیا ہے۔ امریکہ کا عالمی استعماری کردار افغانستان کے بعد ایران حملے اور حالیہ ونیزویلا کی صورت بھی سامنے آیا ہے ۔

ایران کی صورتحال:

تمام میڈیا رپورٹس میں احتجاجی مظاہروں کو پرتشدد بتایا گیا ہے۔
مختلف غیر سرکاری اندازوں کے مطابق 28دسمبر سے اب تک 20 سے زائد افراد ہلاک ہو چکے ہیں، جن میں مظاہرین اور سیکیورٹی اہلکار دونوں شامل ہیں۔
سینکڑوں افراد زخمی اور بڑی تعداد میں گرفتاریاں کی گئی ہیں، تاہم ایرانی حکومت نے تاحال کوئی حتمی سرکاری اعداد و شمار جاری نہیں کیے۔

ایرانی حکومت کے مطابق ان مظاہروں کی بنیادی وجہ:

امریکی اقتصادی پابندیاں ہیں جس کی وجہ سے معاشی مسائل ہو رہے ہیں۔ ان پابندیوں کی وجہ سے
بین الاقوامی مالی نظام سے ایران کی عملی طور پر بے دخلی ہوئی ہے۔
درآمدات کی قیمتوں میں اضافہ
کرنسی کی شدید قدر میں کمی

:ایرانی مؤقف یہ ہے

کہ یہ مہنگائی کوئی اچانک یا قدرتی معاشی بحران نہیں بلکہ امریکہ کی’زیادہ سے زیادہ دباؤ‘ پالیسی کا براہِ راست نتیجہ ہے۔یہ پابندیاں کوئی 2025 کی نہیں ہیں بلکہ 40 سال سے جاری ہیں۔مگر اس دوران چونکہ ایران نے اسرائیل پرحیران کن حملے کیے ہیں اس کے بعد سے مستقل ایرانی حکومت تبدیلی کا معاملہ خبروں میں زیر گردش ہے۔اس وجہ سے امریکہ نے اپنے مقامی لبرل پراکسیز سے یہ مظاہرے شروع کرائے ہیں۔ پوری دنیا کو معلوم ہے کہ امریکہ نے غیر قانونی پابندیاں لگائی ہوئی ہیں مگر ان مظاہروں میں حیرت انگیز طور پر’امریکہ کے خلاف‘ ایک جملہ بھی نہیں ہے۔ اس کے علاوہ مظاہرے تو دنیا بھر میں ہوتے رہتے ہیں مگر یہاں امریکی صدر کی دلچسپی کا عالم یہ ہے کہ :اس نے بارہا یہ بیان داغاہے کہ اگر ایرانی حکومت نے اپنے ملک کے ’مظاہرین ‘ پر کوئی سخت رد عمل دیا تو امریکہ ’سخت کارروائی‘ کرے گا۔

ایران نے ان بیانات کو:

کھلی مداخلت
نفسیاتی جنگ
میڈیا اور سفارتی دباؤ
اور رجیم چینج کی پرانی حکمتِ عملی کا تسلسل قرار دیا ہے۔

اس کے لیے ایرانی حکومت نے صاف طور پر کہا ہے کہ بیرونِ ملک بیٹھے بعض گروہوں کو سیاسی، میڈیا اور مالی مدد فراہم کی جا رہی ہے۔

سوشل میڈیا کے ذریعے اشتعال انگیزی، غلط معلومات اور تشدد کی ترغیب دی جا رہی ہے۔اس کے لیے ایران نے پاکستان کی نقل کرتے ہوئے انٹرنیٹ پر بھی بندش لگائی ہے تاکہ جھوٹی خبروں ،بیرونی مداخلت اور فسادات پر کنٹرول کیا جا سکے۔