شعور نیوز( انٹرنیشنل ڈیسک):خطے میں بڑھتی ہوئی کشیدگی کے باوجود ایران اور اسرائیل نے خفیہ سفارتی پیغامات کے ذریعے ایک دوسرے کو جنگ نہ کرنے کی یقین دہانی کروائی ہے۔ایک ایسے وقت میں جب رسمی طور پر جنگ کے الفاظ ہر طرف گونج رہے ہیں قابض اسرائیل کی طرف سے بزدلی کا یہ قدم عالمی سطح پر اپنا اثر چھوڑ چکا ہے۔

آئرن ڈوم اور اسلحہ اور بھاری وسائل رکھنے والےقابض اسرائیل کا ایران سے امن کی بھیک مانگنا عالمی سطح پر قابل استہزا عمل ہے۔

جولائی میں ایران نے اسرائیل کے قلب تل ابیب پر میزائلوں کی برسات کرکے، قطر میں امریکی فوجی اڈوں کو نشانہ بناکر اپنی صلاحیت دکھا دی تھی۔اس کے بعد ایسے رابطوں کی پہلی خبر دسمبر 2025 کے آخر میں آئی جس میں ، اسرائیلی حکام نے روسی ذرائع سے ایران کو بتایا کہ اگر ایران پہلے حملہ نہیں کرے گا تو اسرائیل خود کسی پیشگی حملے کا آغاز نہیں کرے گا۔ ایران نے بھی اسی چینل کے ذریعے جواب دیا کہ وہ بھی قبل از وقت جارحیت نہیں چاہتا۔یہ غیر معمولی رابطے اس لیے بھی اہم ہیں کیونکہ دونوں ممالک نے پچھلے برس تک کھلے الفاظ میں ایک دوسرے کو خطرہ دکھایا تھا، لیکن پردے کے پیچھے طے پانے والا یہ بند معاہدہ عیاں الفاظ سے کہیں زیادہ سنجیدہ تھا۔

اس کے بعد 14 جنوری کو واشنگٹن پوسٹ نے ایسے رابطوں کی خبر ظاہر کی ۔یہ مواصلات اس وقت ہوئیں جب ایران میں احتجاجات عروج پر تھے اور امریکہ بشمول دیگر قوتوں کے ایران میں مداخلت کے خدشات بھی موجود تھے۔ ایران کی طرف سے تشویش کا ایک نقطہ یہی تھا کہ اسرائیل کی جانب سے دیا گیا یقین دہانی درحقیقت امریکی حملے کے لیے راہ ہموار کر سکتا ہے، جس کا مقصد ایران کو الگ تھلگ کرنا ہے۔یعنی ایک طرف امریکہ ایران میں کشیدگی بڑھا رہا ہے اور پابندیوں و دیگر حربوں سے حالات کو آتش گیر بنا رہا ہے، اور دوسری طرف وہ اسی مسئلے کو اسرائیل کے فائدے کے لیے استعمال کرنا چاہتا ہے۔