شعور نیوز( انٹرنیشنل ڈیسک):ایران کی انقلابی فورس نے خطے میں امریکہ اور اسرائیل کی آنکھ کو 'اندھا کرنے' کا اعلان کرتے ہوئے مزید سخت جوابی کارروائی کی قسم کھائی ہے۔سال میں تیسری بار ساری قیادت کے نشانہ بننے کے بعد بھی ایرانی فوج نے مسلط شدہ جنگ کے پانچویں دن بھی بلند عزم کا اظہار کیا ہے۔

پاسداران انقلاب کی فوج Islamic revolutionary guard corpsنے پورے مشرق وسطیٰ میں اسرائیلی اور امریکی اہداف کے خلاف اپنے جاری آپریشن True Promise 4 کے 17ویں مرحلے کے انعقاد کا اعلان کیا ہے۔ان کے مطابق’’سات سے زیادہ جدید امریکی ریڈاروں کی کامیاب تباہی سے امریکہ اور خطے میں غاصب صیہونی حکومت کی آنکھیں اندھی ہو گئی ہیں‘‘۔

ایران نے خبردار کیا ہے کہ اگر لبنان کے سفارت خانے پر حملہ کیا گیا تو تمام اسرائیلی سفارتخانوں کو 'جائز اہداف' قرار دے کر نشانہ بنایا جائے گا۔

امریکہ کے THAAD میزائل بچاؤ سسٹم کے ناکارہ ہونے کی بھی اطلاع دی ہے کیونکہ قابض اسرائیلی مراکز کووہ ایرانی حملوں سے نہیں بچا سکا۔ایران نے آسانی سے قابض اسرائیل کی وزارت جنگ کی عمارت ، بین گوریون ہوائی اڈے سمیت کئی مقامات کو بھی کامیابی سے نشانہ بنایا ہے۔قابض اسرائیل مستقل سائرن کی آوازوں ، پناہ گاہوں میں صیہونیوں کی خود ساختہ قید میں تبدیل ہو چکا ہے۔

اب تک اس پورے آپریشن کے دوران، IRGC نے پورے علاقے میں سیکڑوں بیلسٹک میزائل اور دھماکہ خیز مواد سے لدے ڈرونز کو حساس اور اسٹریٹجک اہداف کی طرف اڑایا ہے۔
ایران نے مشرق سطیٰ میں سب سے بڑے امریکی ڈیٹا سینٹر (ایمازون ویب سروسز ) کے 3 مراکز ( 2 عرب امارات اور ایک بحرین ) پر حملے کر کے پورے سرمایہ دارانہ نظام کو ہی بڑا دھچکا پہنچایا ہے۔یہ ڈیٹا سینٹرز امریکہ کے حملوں میں یوں مددگار ہوتے ہیں کیونکہ سارا نظام ہی سیٹلائٹ ، انٹرنیٹ اور اس سے ہونے والی جاسوسی و اطلاعات سے چلتا ہے ۔ایمیزون کی سرکاری رپورٹ کے مطابق اس سنٹر کو بڑے پیمانے پر نقصان پہنچا ہے۔
جدید جنگوں میں ایسے خوشنما ناموں والے ڈیٹا سینٹر انٹیلی جنس اور ٹارگٹنگ سسٹمز کو معلومات فراہم کرتے ہیں، جو بالآخر میزائل حملوں میں استعمال ہو سکتا ہے۔