شعور نیوز( ویب ڈیسک): عشق رسالت ﷺ کا دعویٰ کرنے والی حکومت پاکستان نےامن کے اظہار کے لیے خدا کے شکر کے بجائے شیطانی موسیقی و ناچ گانے کی محافل سجا لیں۔اسلام آباد شہر ہی نہیں پورا پاکستان مختلف قسم کے بم دھماکوں، لاشوں، گرفتاریوں ، خودکشیوں حادثات میں پھنسا ہوا ہے۔ایسی صورتحال میں پاکستان کی وزارت اطلاعات نے اسلام آباد کے مشہور ایف نائن پارک میں صبح سے رات تک ’اڑان پاکستان فیسٹول‘ کا انعقاد کرلیا۔اس کنسرٹ میں موسیقی ناچ گانے کی انٹری ہزاروں روپے کے ٹکٹ کے بجائے مفت رکھی گئی ، اس لیے یہاں آنے والے لوگوں کو 2 لاکھ کی تعداد قرار دے کر ’حالت امن و خوشحالی ‘ کا پیمانہ بھی قرار دے دیا گیا۔

اہم بات یہ ہے کہ پاکستان کے آئین میں 27 تبدیلیوں کے باوجود ابھی تک پاکستان کی شناخت اسلام سے ہی وابستہ ہے ۔ایسے میں حالت امن ملنے یا مانگنے دونوں صورتوں میں اللہ تعالیٰ کو چھوڑ کر شیطانی کاموں کا انعقاد سنجیدہ طبقات کے لیے سوالیہ نشان بنا ہو اہے۔

یہ طریقہ کار لبرل سرمایہ دارانہ نظام کو اپنانے کا شاخسانہ ہوتا ہے جس میں ہر قسم کے اظہار کے لیے خدا ، رسول ﷺ، کتاب اللہ سے بیگانہ ہو کر فیصلے کیے جاتے ہیں۔

قرآن مجید میں کئی آیات مبارکہ میں حالت امن کو اللہ کی مکمل عبادت سے جوڑا گیا ہے ۔ اس کے بعد اس طرح کے کاموں سے عوام کو تو حالت امن کا یقین دلایا جا سکتا ہے لیکن خداوند کریم کی بارگاہ میں اس کے کیا اثرات ہوں گے اس پر کلام کرنے کے لیے سناٹا طاری ہے۔