شعور نیوز( انٹرنیشنل ڈیسک):نیتن یاہو نے عوام کو بغاوت پر ابھارنے کے لیے ایرانی سپریم لیڈر کی موت کی بھی اطلاع دینی شروع کر دی ۔یہی کام امریکی صدر ٹرمپنے اپنے سوشل میڈیا سے کرنی شروع کردی ہے۔

اس کے علاوہ قابض اسرائیل کے وزیر اعظم، امریکی صدر اور برطانیہ کے وزیر اعظم نے واضح طور پر دنیا کو پیغام دے دیا ہے کہ ان کی جنگ کا مقصد صرف ایران میں موجودہ اسلامی نظام کی تبدیلی ہے۔ دنیا دیکھ رہی ہے کہ ایک آزاد ملک کو کیسے کچلا جا رہا ہے ، اس سے زیادہ واضح تصور استعمارکوئی نہیں ہوگا مگر مجال ہے جو کوئی اس پر بات کرے۔نیتن یاہو نے صاف طور پر ایرانی عوام کو مخاطب کرتے ہوئے کہا کہ حملے انہیں "ظالم سے خود کو کھولنے" میں مدد دیں گے۔ان کا کہنا ہے کہ ان کے پاس ایرانی حکومت کا تختہ الٹنے کا "ایک بار ایک موقع" ہے۔وہ کہتے ہیں "سڑکوں پر اجتماعی طور پر نکلیں" اور "کام کریں"۔وہ کہتے ہیں کہ یہ "اعلی وقت ہے کہ آپ اکٹھے ہوں" اور "ایک تاریخی مشن کے لیے متحد ہو جائیں"۔

ونیز ویلا کے صدر کے ساتھ جو کچھ ہوا وہ بھی سب نے دیکھا اور خاموشی سے برداشت کیا۔ اب ایران پر ایک سال میں دوسری مرتبہ ایک جامع منصوبہ بندی کے ساتھ امریکہ ،برطانیہ و اسرائیل حملہ آور ہیں ۔ روس اور چین بھی اس پور ے منظر کو سکون سے دیکھ رہے ہیں ۔امریکہ کے پاس مزید دو تین دن ہونگے کہ وہ اپنے اہدا ف حاصل کرلے لیکن اگر وہ ایسا نہ کرسکا تو اس کے لیے مسائل بڑھتے چلے جائیں گے ۔ ایران کے پاس بھی فضائیہ موجود نہیں لیکن جو کچھ ایران کے پاس ہے وہ صورتحال پلٹنے کی طاقت رکھتا ہے۔