شعور نیوز(ویب ڈیسک):پاکستان میں جنرل مشرف کے قریبی ساتھی اور بعد ازاں تحریک انصاف میں جاکر باہر آنے والے فواد چوہدری نامی شخص نے اپنے ذہن میں موجود مواد کو انٹرویو میں باہر نکال دیا ہے۔ فواد کے مطابق پاکستان کو لبرل ہونا پڑے گا اگر آگے جانا ہے ۔ مگر یہ آگے کیا ہے ؟ کدھر ہے؟ یہ نہیں بتایا۔
ایک خاتون کے ساتھ انٹرویو میں اُس نے صاف کہا ہے کہ وہ خود تو نہیں پیتا لیکن وہ چاہتا ہے کہ پاکستان میں شراب پر پابندی نہیں ہونی چاہے جیسے ترکی اور امارات میں نہیں ہے ۔ فواد چوہدری نے کہا کہ دنیا کے تقریباً ہر ملک میں شیشہ اور بارز عام ہیں جیسے عرب امارات اور ترکی میں ہیں۔ (شراب خانے کو انگریزی میں بار پکارتے ہیں)

اس نے وضاحت کی کہ وہاں لوگ بیٹھ کر باتیں کرتے ہیں اور کیفے یا بارز کا لطف اٹھاتے ہیں۔ اُس کے مطابق پاکستان میں بھی ایسے انتظامات ہونے چاہئیں تاکہ جو لوگ چاہتے ہیں وہ شیشہ یا شراب استعمال کر سکیں اور جو نہیں چاہتے وہ نہ پئیں۔ ان کا کہنا تھا کہ بارز کا مقصد صرف شراب پینا نہیں بلکہ سماجی اور تفریحی جگہ فراہم کرنا بھی ہے۔ اس موقع پر انہوں نے واضح کیا کہ یہ افراد کی ذاتی مرضی ہے اور اس پر پابندی یا کسی کا دباؤ درست نہیں۔

لبرل ازم کو مزید سمجھاتے ہوئے اس نے کہا کہ گوادر کے ساحل کو امریکہ کے بدنام زمانہ ساحل کی طرح (برہنہ طرز پر )ڈھالنے کا مشورہ دیا تاکہ ملک ترقی کرے اور ہوٹل انڈسٹری ترقی کرے۔

ایسا بولتے وقت وہ یہ نہیں بتا سکا کہ خود دو حکومتوں میں رہتے ہوئے وہ خود کیوں یہ سارے اقدام نہ کرسکا۔

ان جملوں سے صرف فواد چوہدری کی لبرل، لادین پوزیشن واضح ہوئی ہے کہ وہ کتنا دین بے زار ،سیکولر ہے۔