شعور نیوز( ویب ڈیسک): غیرتمند مسلمانوں کے توجہ دلانے پر نیو پلیکس سینما نے گستاخانہ کارٹون فلم David کی نمائش نہ کرنے کا فیصلہ کرلیا۔ 2 جنوری 2026 کو ڈیوڈ نامی کارٹون فلم کو نمائش کے لیے نیوپلیکس سینما نے اشتہار ڈالا ہوا تھا۔ متذکرہ فلم حضرت داؤد علیہ السلام کے حوالےسے بنائی گئی تھی۔ مقدس ہستیوں کو اس طرح پیش کرنے کے معاملے پر سخت اشتعال تھا۔ امریکہ، یورپ میں تو تقدسات ہی ختم ہو چکے ہیں اس لیے وہاں کی نقالی نہیں کی جا سکتی۔ یہ از خود مغرب اور مشرق کے درمیان لکیر کا اظہا ر تھا۔ علمائے کرام، عوام سے سوشل میڈیا پر رد عمل دیا ، سینما سے رابطہ کیا تو سینما کی طرف سے جواب موصول ہوگیا۔

سینما انتظامیہ نے متوجہ کرنے والے سوشل میڈیا صارف اذہان کو جواب دے کر واضح کیا ہے کہ
’’ہم واضح کرنا چاہتے ہیں کہ نیوپلیکس سینماز اس فلم کو ریلیز یا نمائش نہیں کر رہے ہیں۔ پاکستان میں فلم کے آفیشل ڈسٹری بیوٹر نے بھی اس بات کی تصدیق کی ہے کہ فلم کو ملک میں ریلیز نہیں کیا جائے گا۔ہم پاکستان کے مذہبی جذبات، ثقافتی اقدار اور قوانین کا احترام کرتے ہیں اور ہم ہمیشہ ان کے مطابق کام کرتے ہیں۔آپ کی سمجھ اور اس معاملے کو ہماری توجہ دلانے کے لیے آپ کا شکریہ۔‘‘
پاکستان میں منکرات کے رد کے لیے عوام اپنا مثبت کردار ادا کریں تو اس بات کا 100 فیصد امکان ہے کہ ملک سے تمام علانیہ منکرات کا تو آسانی سے خاتمہ ہو جائے۔ المیہ یہی ہے کہ حکم جہاد کی طرح نہی عن المنکر کا فریضہ بھی امت نے بڑے پیمانے پر ترک کر دیا ہے۔ دینی مذہنی جماعتیں اس عنوان سے ایسا بھاگتی ہیں گدھے کے سر سے سینگ۔

اس فلم کے رد عمل کی وجہ سے نیو پلیکس سینما کی منصوبہ بندی دیکھ کر ہمیں یہ اندازہ ہوا کہ David کو چھوڑ کر نیو پلیکس سینما جس قسم کی فلمیں دکھا رہا ہے وہ بھی معاشرتی تباہی کا مظہر ہیں۔ نیو پلیکس اپنی ایک فلم سے اب بھی

زنا کو معمول کی بات بنا رہا ہے۔
خاندان اور وفاداری کو کمزور ادارے کے طور پر پیش کر رہا ہے۔
شرم، حیا، جواب دہی جیسے تصورات سے دیکھنے والوں کو عاری کرے گا۔

مگر اس معاملے پر کسی دینی جماعت کو، کسی مذہبی تنظیم کو کوئی بھی مسئلہ نہیں۔