شعور نیوز( ویب ڈیسک): پاکستانی فوج کی جانب سے آپریشن غضب للحق کے نام سے افغانستان پر حملے جاری ہیں ۔وفاقی وزیرِ اطلاعات عطاء تارڑ کے مطابق اب تک مجموعی طور پر 331 افغانی سپاہیوں سمیت افغان فوج کا ہیڈکوارٹرز بھی تباہ کر نے کی خبریں پاکستانی میڈیا پر جاری ہو چکی ہیں۔وزیرِ اطلاعات عطاء اللّٰہ تارڑ نے آپریشن غضب للحق کے دوران آج صبح 9 بجے تک افغان طالبان کو پہنچائے جانے والے نقصانات کی تفصیلات جاری کر دیں۔عطاء تارڑ نے بتایا ہے کہ افغانستان بھر میں 37 مقامات کو فضائی کارروائی میں مؤثر طور پر نشانہ بنایا گیا ہے۔ان سے قبل گزشتہ روز ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) بھی آپریشن غضب للحق کی تفصیلات بتاچکے ہیں۔پاک فوج نے واضح پیغام دیا کہ سرحدی خلاف ورزی یا کسی بھی اشتعال انگیزی کا فوری اور فیصلہ کن جواب دیا جائے گا، پاک افغان سرحد پر کھڑے پاک فوج کے جوان مادرِ وطن کے تحفظ کے لیے پُرعزم ہیں۔

باجوڑ بارڈر پر کھڑے پاک فوج کے جوان کا کہنا ہے کہ افغان طالبان کو اندازہ نہیں کہ انہوں نے کس قوم کو للکارا ہے، اگر کوئی بھارت کے کہنے پر ہم سے پنگا لے گا تو اسے یہ پنگا بہت مہنگا پڑے گا۔دوسری جانب افغانستان سے صرف مذاکرات اور بات چیت اور معاملے کو بغیر لڑے حل کرنے کی خبریں آرہی ہیں، مگر پاکستان کی طرف سے مستقل آپریشن جاری ہے۔
پاکستان کے عوام بھی امن و سلامتی چاہتے ہیں ، پاکستان کی فوج بھی ملک کے دفاع میں ہر ممکن کوششیں کر رہی ہے۔ جب اکتوبر 2025 سے پاکستان افغانستان کی سرحدیں مکمل بند ہیں تو ایسے میں کون ہے اور کس طرح سیکڑوں کلومیٹر کا زمینی سفر کرکے پاکستان کے مختلف حصوں میں دہشت گردی کی کارروائی کرلیتا ہے اس کے اصل ذمہ داروں کو بھی پکڑنے کی ضرورت ہے ۔ یہ لوگ ہندوستان کے وہ ایجنٹس ہیں جو دراصل پاکستان کو اندر سے کھوکھلا کر رہے ہیں۔