شعور نیوز( انٹرنیشنل ڈیسک):اسرائیلی اور امریکی حملوں نے ایران کے اہم شہر ’قم ‘میں ایران کے نئے سپریم لیڈر کے انتخاب کے لیے کام کرنے والے ادارے کی عمارت کو نشانہ بنایا ہے۔اس کے علاوہ رہائشی عمارتوں کے علاوہ اب تک 9 ایرانی ہسپتال اور ایک لڑکیوں کے اسکول پر بھی حملے ہو چکے ہیں۔

تسنیم خبر رساں ایجنسی کی رپورٹ کے مطابق، "امریکی صیہونی مجرموں نے قم میں ماہرین کی اسمبلی کی عمارت پر حملہ کیا ،" ۔اس اسمبلی کو ایرانی سپریم لیڈر کی تقرری، نگرانی اور ممکنہ طور پر برطرف کرنے کا کام سونپا جاتا ہے۔صیہونی اہلکار اپنے میڈیا کو یہی تا رہے ہیں کہ "جس وقت حملہ ہوا بلڈنگ میں سپریم لیڈر کی تقرری کے لیے ووٹوں کی گنتی جاری تھی۔" ایران نے ابھی تک کسی قسم کی تصدیق نہیں کی ہے۔صرف صیہونی میڈیا پر ہی یہ خبر چلائی جا رہی ہے ۔ اسی طرح امریکی فوج نے میڈیا کو بتایا ہے کہ اس کی افواج نے اسلامی انقلابی گارڈ کور (IRGC) کی کمانڈ اینڈ کنٹرول تنصیبات اور فضائی دفاعی تنصیبات کو تباہ کر دیا ۔

یہ ایران کی ہمت ہے کہ اتنے مخصوص اہداف پر حملوں کے بعد بھی وہ عمومی مقامات پر اس طرح موجود رہتے ہیں جبکہ ملک پر مستقل بم برسائے جا رہے ہیں ۔

ایران میں جاسوسوں کا اور غداروں کا مضبوط نیٹ ورک بار با ر ظاہر ہو رہا ہے جس کے نتیجے میں مستقل اتنے اہدافی حملے ہو رہے ہیں۔یہ وہ واحد کمزوری ہے جو باطل کے مقابلے پوری امت کو نقصان پہنچاتی رہی ہے ، خواہ منافقین ہوں یا دیگر غدار ۔اس سب کے باوجود باطل کے سامنے کھڑے ہونے کی مثال ایران نے قائم کر کے پیغام حسین ہی زندہ کیا ہے ۔

ایران کے عبوری وزیر دفاع مجید بن الرضا بھی اسرائیلی و امریکی حملے میں جاں بحق ہوگئے۔ پاسداران انقلاب کے ذرائع کے مطابق مجید بن الرضا نے سابق وزیر دفاع امیر نصیر زادہ کی شہادت کے دو روز بعد عہدہ سنبھالا تھا۔اس حوالے سے اسرائیلی فوج نے دعویٰ کیا تھا کہ ایران میں اعلیٰ ایرانی کمانڈر کو نشانہ بنایا ہے۔ایران میں امریکا اور اسرائیل کے حملوں میں 5دن میں اموات کی تعداد 787 کے قریب بتائی جا رہی ہے۔