شعور نیوز( انٹرنیشنل ڈیسک):امریکا اور قابض اسرائیل کی جانب سے ایران پر اچانک فضائی حملوں کا سلسلہ شروع ہو چکا ہے ۔دونوں استعماری ممالک کی طرف سے بڑے پیمانے پر تہران اور دیگر شہروں میں میزائل داغے گئے۔ میناب شہر میں لڑکیوں کے اسکول پر اسرائیلی حملے میں طالبات سمیت 85 لوگ نشانہ بن گئے۔سرکاری خبر رساں ادارے کے مطابق اس حملے میں کم از کم 63 افراد زخمی بھی ہوئے ہیں۔مقامی ذرائع کا کہنا ہے کہ ملبے میں اب بھی طالبات اور اساتذہ کے دبے ہونے کا خدشہ ہے اور امدادی کارروائیاں جاری ہیں۔ ایرانی حکام کے مطابق اسکول پر حملہ ایسے وقت میں ہوا جب طالبات اور اسٹاف اسکول میں ہی موجود تھا۔

وائٹ ہاؤس نے حملے پر تبصرہ نہیں کیا ، جبکہ عالمی میڈیا کے مطابق کرمان شاہ، قم، اصفہان، تبریز، کرج اور کنارک میں ایرانی بحریہ کی تنصیبات کو نشانہ بنایا گیا۔ کامیاران میں فوجی اڈے پر میزائل گرائے گئے ۔ ایران میں تیس سے زائد مقامات پر پچاس سے زائد میزائل داغے گئے۔

ایران میں لڑکیوں کے اسکول پر حملہ کرنے کا واضح مطلب اسکول اور لڑکیوں کی تعلیم سے جوڑا جا سکتا ہے ۔ یہود و نصاریٰ کو وہ اسکول کی تعلیم نہیں چاہیے جو اسلامی انداز سے دی جائے اس لیے ایسے اسکولوں کو جنگ میں نشانہ بنا رہا ہے۔ اس صورتحال میں لڑکیوں کے حقوق کے علمبردار ہی نہیں بلکہ تعلیم اسکول کے علمبردار بھی خاموش ہیں۔ ملالہ سے لیکر جولیا جیرارڈ، مشل اوباما سمیت سب اس درندگی پرخاموش ہیں۔پاکستان کے دیسی لبرل ، ہیومن رائٹس اور حقوق کے نام پر منجن بیچنے والے طبقا ت بھی غائب ہیں۔

مشرق وسطیٰ پر جنگ کے سائے گہرے ہو رہے ہیں، یہود و نصاریٰ سال میں دوسری مرتبہ ایران پر حملہ آور ہوئے ہیں۔ صدر ٹرمپ کا صاف اعلان ہے کہ وہ ایران کو اسلامی مزاحمتی شناخت کے بجائے اسرائیل پرست لبرل ملک بنانا چاہتاہے۔

50 سے زائد اسلامی ممالک اس صورتحال پر خاموش ہیں اور غزہ کی طرح زبانی بیان بازی پر ہی اکتفا کر رہے ہیں۔اس مرتبہ یہود ونصاریٰ کی منصوبہ بندی ایسی ہی ہے کہ سب کو آپس میں لڑا دیا جائے ۔