شعور نیوز( ویب ڈیسک): پاکستان کے اہم صوبہ پنجاب کے دار الحکومت لاہور کے علاقے اسلامپورہ میں25 سالہ خاتون کی پھندا لگی لاش برآمد ہوئی ہے ۔ خواتین کی ترقی کا عنوان سجائے ایک خاتون وزیر اعلیٰ کے ہوتے ہوئے شہر کی خواتین کی اس طرح اموات کا سلسلہ سوالیہ نشان ہے۔لاہور پولیس کے مطابق ارشمہ نامی خاتون بیوٹیشن کا کام کرتی تھی جو اس فلیٹ میں اکیلی رہائش پذیر تھی۔ نے شواہد اکٹھے کرنے کے بعد لاش کو پوسٹمارٹم کے لئے مردہ خانے منتقل کر دیا گیا۔پولیس نے خودکشی سمیت تمام پہلوئوں کو مدنظر رکھتے ہوئے تحقیقات عمل شروع کر دیا ہے ۔ بلڈنگ ذرائع کے مطابق ارشمہ گزشتہ ایک سال سے اس بلڈنگ کے فلیٹ میں اکیلی رہائش پذیر تھی۔ عمارت کے مکینوں کے مطابق وہ اکثر اکیلی ہی رہتی تھی، جبکہ کبھی کبھار ایک شخص وہاں آتا اور کچھ دیر گزارنے کے بعد چلا جاتا تھا۔ارشمہ کی موت کا پتہ اس وقت چلا جب فلیٹ کے اطراف شدید تعفن پھیلنے لگا۔ بلڈنگ مالک کی بہن، جو اسی عمارت میں رہتی ہے، نے بدبو آنے پر فلیٹ کو چیک کیا تو اندر لاش موجود تھی۔ اہم مگر غیر مستند بات یہ ہے کہ فلیٹ کا بیرونی دروازہ اندر سے بند ہونے کے بجائے کھلا ہوا تھا، جس سے واقعے کے مبینہ قتل ہونے کا شبہ گہرا ہو گیا ہے۔اطلاع ملتے ہی پولیس نے موقع پر پہنچ کر تمام سائنسی اور کرائم سین شواہد اکٹھے کیے اور لاش کو ہسپتال منتقل کر دیا۔ بلڈنگ کے ہر فلور پر سی سی ٹی وی کیمرے موجود ہیں، جن کی فوٹیج کی مدد سے آنے جانے والے افراد کا ریکارڈ مرتب کیا جا رہا ہے۔ پولیس کا کہنا ہے کہ فرانزک رپورٹ اور کیمروں کی تفتیش سے جلد اصلیت سامنے آ جائے گی۔واضح رہے کہ پورے پنجاب میں 2026 کے 6 ماہ میں صرف خواتین کے خلاف 20,114 مقدمات اور 4,446 ریپ کیسز درج ہوچکے ہیں۔