شعور نیوز( انٹرنیشنل ڈیسک): امریکی صدر ڈانلڈ ٹرمپ کا مسلمانوں کے عقیدہ رسالت ﷺپر جامع حملےکے لیے ’ابراہیم اکارڈ‘ نامی غلیظ منصوبہ معاشرتی عمل میں داخل ہونا شروع ہوگیا۔

لندن ایئر پورٹ کے علاوہ جرمنی ایئر پورٹ پر بھی ایسے مقامات کی نشاندہی ہوئی ہے جو مسلمانوں کی عبادت گاہ کے ساتھ مشرکین کو اہل کتاب کا عنوان دے کر جوڑنے اور یکساں قرار دینے کی ذہن سازی کے لیے ہیں۔ امریکہ اور مغربی ممالک سے بھی ایسی تصاویر سڑکوں پر لگائی گئی ہیں جن میں طریقہ عبادت کو یکساں دکھا کر ایسا تاثر دیا جا رہا ہے کہ سب ایک ہی خدا کی عبادت کرتے ہیں ،صرف نام کا فرق ہے۔سب مذاہب کے بانی بزرگ ابراہیم علیہ السلام ہیں اس لیے یہ سب آپس میں ایک خاص تعلق سے جڑے ہوئے ہیں۔

ایسا کرنے کے نتیجے میں دستیاب عیسائیت اور یہودیت میں تو کسی قسم کے شرک، عقیدہ رسالت ﷺ، عقیدہ آخرت پر کوئی فرق نہیں پڑتا مگر مسلمانوں کے تمام بنیادی عقائد مسخ ہوجاتے ہیں اور سارا حق و باطل، کفر، شرک، یہود و نصاریٰ سے متعلق احکامات کو نظر انداز کرنے کی جانب سفر شروع ہوجاتا ہے ۔ایسی صورتحال میں دین ، اس کے عقائد اپنی کسی بھی اصل شکل میں باقی نہیں رہ پاتے۔

دوسری اہم بات یہ ہے کہ یہ سب کرنے کے بعد اسرائیل (صیہونی) اپنی برتری کے قائل ہیں اور اصلاً وہ یہی چاہتے ہیں کہ اُن کی برتری تسلیم کی جائے، باقی سب ویسے ہی محکوم رہیں جیسے امریکہ صدر عیسائی ہونے کے باجود ہماری (صیہونیوں)کی ہی خدمت میں مگن رہتا ہے۔

20 جنوری 2017 امریکہ میں ڈانلڈ ٹرمپ پہلی مرتبہ صدر بنا۔6 دسمبر 2017 کو ڈانلڈ ٹرمپ نے اچانک بیت المقدس جسے یروشلم کہتے ہیں اُس کو اسرائیل کا دار الحکومت تسلیم کرنے کا اعلان کردیا۔

ظاہر ہے یہ اسرائیل کو نوازنے جیسا عمل تھا۔ یہ بیت المقدس جسے وہ اپنی زبان میں یروشلم کہتے ہیں ، اس کو یہود کے حوالے کرنے کا مطلب ہی پورے خطے کو آگ میں جھونکنا تھا۔اس کے بعد ٹرمپ کی ہدایات پر اُس کی ٹیم نے ’مشرق وسطیٰ امن حکمت عملی ‘ پر کام شروع کیا۔اس میں ’امن‘ کا مطلب ہے یہ ہے کہ اسرائیل کو مان کر اُس کے ساتھ جیسا وہ کہے ہنسی خوشی رہو۔

اس منصوبے کو اگست 2020 میں پہلے "Deal of the Century" اور کچھ دن بعد ستمبر 2020 میں اُس کو "Abraham Accords" کا نام دے دیا گیا تاکہ مذہبی-روحانی تعلق کے جھوٹے تصور کے ساتھ Soft Branding دی جائے۔

ٹرمپ کے پیش کردہ اس منصوبے کو سب سے پہلے متحدہ عرب امارات نے قبول کیا۔ وہاں 2023 میں ’بیت ابراہیمی ‘ قائم ہوا جس میں ایک احاطے میں مسجد، چرچ اور یہودی معبد بھی تعمیر کیا گیا ہے۔ اس بیت ابراہیمی کی باقاعدہ ویب سائٹ اور مکمل ایجنڈا ہے جو تینوں مذاہب کے درمیان تعلق جوڑنے کے لیے رستے کھولتا ہے۔