شعور نیوز( انٹرنیشنل ڈیسک):امریکہ میں وسط مدتی انتخاب جیتنے کے لیے ٹرمپ نے پلان دے دیا۔صدر ٹرمپ نے 5سال قبل کیپیٹل ہل پر ہونے والے ہنگامے کی یادگاری تقریب کے موقع پر اس بات کا اظہار کیا ہے۔ڈانلڈ ٹرمپ واحد امریکی صدر ہے جس کا 2 مرتبہ مواخذہ ہوچکا ہے۔وسط مدتی انتخاب کے بعد اگر اُن کی پارٹی کی اکثریت کم ہوگئی تو ٹرمپ نے صاف بتا دیا کہ تیسری مرتبہ اُس کا مواخذہ ہو جائیگا۔

اگر سینیٹ تیسری مرتبہ ٹرمپ کو مجرم قرار دے دے تو صدر کو فوری طور پر عہدے سے ہٹا دیا جائے گا اور نائب صدر صدارت کا حلف اٹھائیگا۔ اس کے بعد سینیٹ ایک اور ووٹنگ کے ذریعے ٹرمپ کو مستقبل میں کسی بھی وفاقی عہدے کے لیے نااہل بھی قرار دے سکتی ہے۔

6 جنوری کو امریکہ کے کیپیٹل ہل پر ہونے والے ہنگاموں میں ملوث افراد کو ٹرمپ نے جیل سے بھی معافی دلا دی تھی لیکن وہ اب سب مزید رعایتیں و مراعات مانگ رہے ہیں۔ٹرمپ کو معلوم ہے کہ اگر وہ نہیں جیت سکا تو ڈیموکریٹس اُس کا سخت محاسبہ کریں گے ۔

74 سالہ امریکی صدر ڈونلڈ ٹرمپ کو اپنے مواخذہ کا خوف ہے۔ ٹرمپ کا دور صدارت 2029 میں ختم ہوگا لیکن وسط مدتی انتخاب میں ایوان نمائندگان کی 435سیٹوں پر انتخابات ہونے ہیں۔ سینیٹ کی 35سیٹوں پر الیکشن ہونے ہیں۔

امریکی آئین کےمطابق پہلے ایوانِ نمائندگان میں مقدمہ پیش کیا جائے گا۔یہاں ارکان کی سادہ اکثریت الزامات کے حق میں ووٹ دے گی تو صدر پر باقاعدہ "فردِ جرم" عائد ہو جائے گی ۔ اسکے بعد
یہ معاملہ امریکی سینیٹ میں جائے گا، جو ایک عدالت کے طور پر کام کرے گا ۔ یہاں صدر کو عہدے سے ہٹانے کے لیے دو تہائی اکثریت (67 ووٹوں) کی ضرورت ہوتی ہے۔

امریکہ کے ایوان نمائندگان اورسینیٹ دونوں جگہ ٹرمپ کو صرف 3-4 سیٹوں ہی کی برتری حاصل ہے۔ اگر ڈیموکریٹس یہ 3-4 سیٹیں لے گئے تو ڈانلڈ ٹرمپ کے اگلے دو سال بے حد تکلیف والے ہوں گے۔ٹرمپ نے جنگوں (غزہ، ایران، ونیزویلا) میں ہاتھ ڈالنے کے علاوہ اپنے پہلے ہی سال میں کوئی 225 ایگزیکٹیو فیصلے کیے ہیں۔

صدر نے اپنے ساتھیو ں پر زور دیا کہ وہ صنفی سیاست سے لے کر صحت کی دیکھ بھال اور انتخابی اصلاحات تک کے مسائل پر زیادہ متحد انداز میں عوام کی حمایت حاصل کریں لڑیں۔