شعورنیوز( انٹرنیشنل ڈیسک): غزہ سے متعلق امریکی استعماری منصوبے کی قرارداد اقوا م متحدہ سیکورٹی کونسل میں پیش ہوکر منظور بھی ہوگئی۔غزہ میں قیام امن کے لیے اس سے قبل جتنی قراردادیں دیگر ممالک لاتے رہے ، امریکہ اُس کو VETOکرکے مسترد کرتا رہا ۔جن ممالک کا صاف کہنا ہے کہ یہ قرارداد ٹرمپ کے غزہ پر ناجائز قبضے و استعمار جیسا ناجائز منصوبہ ہے ، وہ دونوں ممالک روس اور چین VETO کرنے کے بجائے میدان سے ہی غائب Abstainہوگئے۔

قرارداد کی منظوری پر نیتن یاہو کے دفتر سے جاری بیان امریکی صدر ٹرمپ کے منصوبہ کو صاف الفاظ میں ’ابراہم اکارڈ ‘ کی توسیع کا باعث قرار دیا ہے ۔اسرائیل یہ منصوبہ اسرائیل اور پڑوسیوں میں انضمام کاباعث کا بنے گا۔

قرارداد کی حمایت میں پاکستان سمیت کل 13 ممالک نے ووٹ دیاجبکہ روس اور چین ووٹنگ سے باہر رہے۔

ایک طرف اسرائیل اس قرارداد کو فلسطین کے خلاف اپنے حق میں قرار دے رہا ہے ، دوسری جانب روس و چین کے علاوہ حماس سمیت تمام فلسطینی تنظیمیں اس قرارداد کی مخالفت کررہی ہیں ۔فلسطینی مزاحمتی تنظیم کا کہنا ہے کہ غزہ میں انسانی امداد کا انتظام اقوام متحدہ کے زیر نگرانی فلسطینی اداروں کے پاس ہونا چاہیے۔

سلامتی کونسل کے ارکان ممالک میں الجیریا ، صومالیہ بھی مسلم ممالک کے طور پر شامل ہیں جنہوں نے امریکی قرارداد کی حمایت کی ۔ مگر وہاں پاکستان واحد اسلامی ایٹمی ملک ہے جو روز اول سے نظریاتی طور پر فلسطین کا حامی کہلاتا ہے ۔ سب کی نظریں پاکستان پر تھیں۔ایسے میں پاکستان کے اقوام متحدہ میں مندوب عاصم افتخار نے تقریر میں کہہ دیا کہ اس حمایت کا مقصد غزہ میں معصوم فلسطینوں کے قتل عام کی روک تھام ہے۔پاکستان بھی غزہ سے اسرائیلی فورسز کا مکمل انخلاء چاہتاہے ۔پاکستان 1967 سے پہلے کی سرحدوں کے مطابق فلسطینی ریاست کا قیام چاہتے ہیں جس کا دارالحکومت القدس ہونا چاہیے۔

سرمایہ دارانہ نظم اقتدار میں تصور مادی ترقی تمام تر عقائد کو کھاجاتا ہے ۔ غزہ کو تعمیر کرنے کا استعماری منصوبہ سرمایہ دارانہ فکر کے ساتھ وہاں ایسی اقدار کا نفوذ ہے جو اس بات سے بے پروا ہو جائیں کہ کون اس زمین کا اقتدار چلا رہا ہے ۔ بس اُن کو صاف ستھری روڈ، اچھا گھر، پانی، بجلی، تعلیم، ہسپتال ، کھانا پینا ملتا رہے ، یہی امن ہے یہی خوشحالی ہے ۔اتنی تباہی، اتنی بمباری، اتنی جنگ ، اتنی لاشوں کے بعد پھریہی ریشنل Rational لگتا ہے ۔