شعور نیوز( انٹرنیشنل ڈیسک): امریکہ کے مرکز وائٹ ہاؤس کے قریب اکیلے شخص کی فائرنگ سے دو نیشنل گارڈز موت کے منہ میں پہنچ گئے ۔واشنگٹن میں وائٹ ہاؤس کے قریب ایسی جرأت مندانہ فائرنگ کرنے والے مشتبہ شخص کی شناخت 29 سالہ افغانی نژاد رحمان اللہ لکنوال کے نام سے کی گئی ہے۔

افغان نژاد امریکی بھی جوابی مقابلے میں زخمی ہوا ہے۔لکنوال امریکہ کی افغانستان میں شکست کے بعد 2021 میں امریکا آیا تھا۔ڈائریکٹر ایف بی آئی سمیت حکام کی بریفنگ کے مطابق حملہ آور اکیلا تھا۔امریکی صدر ٹرمپ نے بیان میں کہا ہے کہ مشتبہ شخص بھی شدید زخمی ہے۔ تینوں زخمی اسپتال منتقل کر دیئے گئے ہیں۔فائرنگ کے وقت صدر ٹرمپ فلوریڈا میں تھے۔ فائرنگ کرنے کی وجہ اب تک سامنے نہیں آسکی۔

فائرنگ کا واقعہ 26 نومبر 2025 کو فارراگٹ ویسٹ اسٹیشن (وائٹ ہاؤس سے دو بلاکس) کے قریب پیش آیا — ایک ایسی جگہ جہاں سخت سیکیورٹی، اعلیٰ نگرانی اور باقاعدہ گشت ہے۔ حملہ آور نے ویسٹ ورجینیا نیشنل گارڈ کے دو ارکان پر گولی چلائی جو ہائی ویبلٹی گشت پر تھے۔ پولیس نے اس واقعے کو اکیلے بندوق بردار کی طرف سے "ٹارگٹڈ گھات لگانا" قرار دیا، یعنی اسکو Mass killing نہیں قرار دیا ۔آخری اطلاعات تک صدر ٹرمپ نے اس واقعے کو دہشتگردی کہہ دیا۔
امریکی صدر ڈونلڈ ٹرمپ نے فوری ردعمل کا اظہار کرتے ہوئے اپنے آن لائن پلیٹ فارم ٹروتھ سوشل پر وعدہ کیا کہ مجرم کو "بہت بھاری قیمت" دی جائے گی۔

اس کے ساتھ ہی امریکی صدر ٹرمپ نے غیر ملکیوں کے خلاف اقدامات تیز کردیئے ۔

امریکی وزیر جنگ پیٹ ہیگستھ نے بھی حملے پر فوری ردعمل دیتے ہوئے کہا کہ ٹرمپ نے امریکی دارالحکومت میں مزید 500 نیشنل گارڈز کی تعیناتی کی درخواست کی ہے۔یہ وائٹ ہاؤس سے محض چند قدم کے فاصلے پر ہوا ہے ۔

امریکہ کے خلاف خود امریکہ کے اندر ایسے رد عمل کی عمومیت پائی جاتی ہے۔ امریکہ میں 2025 میں 500 سے زائد اجتماعی قتل کی وارداتیں ہو چکی ہیں، جن کے پیچھے کوئی مقصد ،کوئی محرک سامنے نہیں آیا ۔سرمایہ دارانہ نظام میں ایسی فرسٹریشن فطری ہوتی ہے۔ 2021 میں افغانستان چھوڑ کر آنے والا کوئی افغانی کم از کم طالبان حکومت کا حامی نہیں کہلائیگا۔ریٹکلف کے مطابق مشتبہ شخص رحمان اللہ افغانستان کے جنوبی شہر قندھار میں امریکی افواج کے ساتھ کام کر چکا ہے ۔بائیڈن انتظامیہ نے اس مشتبہ حملہ آور کو ستمبر 2021 میں امریکہ لانے کا جواز افغان حکومت سے غداری کی خدمات کو قرار دیا تھا۔

اس پوری صورتحال میں امریکہ کے مرکز کے جدید ترین ناقص سیکورٹی نظام پر کوئی سوال نہیں؟ واضح رہے کہ نائن الیون بھی امریکہ کے ایسے ہی مراکز پر حملہ تھا۔
دوسری جانب یہ سوال اپنی موجود ہے کہ کیا امریکی صدر نے امیگریشن ایجنڈے کے جواز کی خاطر یہ کام خود کرایا ہے؟ کیونکہ یہ واقعہ ٹرمپ انتظامیہ کی طرف سے واشنگٹن ڈی سی میں گشت کے لیے نیشنل گارڈ ز کی تعیناتی کرنے کے متنازعہ فیصلے کے چند ماہ بعد ہوئی ہے ۔قومی گارڈز کی شہروں میں تعیناتی پر کئی ماہ سے مسئلہ چل رہا ہے ۔
یہ ایسا ہی ہے جب کسی شہر میں عام حالت امن میں اچانک افواج کو گشت کے لیے تعینات کر دیا جائے۔