شعور نیوز( انٹرنیشنل ڈیسک):فروری 2026سے جاری امریکہ ایران جنگ کی وجہ سے عالمی سطح پر توانائی کی سپلائی شدید متاثر ہوئی ہے۔امریکی وزیر خزانہ اسکاٹ بیسنٹ نے کہا ہے کہ یورپی یونین بھی ایران کے خلاف امریکی معاشی دباؤ کی مہم ’’آپریشن اکنامک آؤٹ کاسٹ‘‘ میں باضابطہ طور پر شامل ہوگئی ہے۔ آبنائے ہرمز کی بندش کے نتیجے میں خود امریکہ میں جنگ کے آغاز سے اب تک ڈیزل کی قیمت میں 55 فیصد سے زائد اضافہ ہو چکا ہے۔4 ستمبر 2026 کو قومی اوسط تقریباً 5.88 ڈالر فی گیلن ریکارڈ ہوئی، جو جون 2022 کے سابقہ ریکارڈ سے بھی اوپر ہے۔ دوسری جانب روسی ریفائنریوں پر یوکرینی حملوں سے بھی عالمی ڈیزل سپلائی مزید متاثر ہوئی۔ ڈیزل ٹرکنگ، زراعت اور تعمیرات میں بنیادی ایندھن ہے، اس لیے اس کی قیمت بڑھنے سے امریکہ میں بھی اشیائے خورونوش، ترسیل اور دیگر روزمرہ مصنوعات کی قیمتوں پر بھی دباؤ بڑھے گا۔ مشرق وسطیٰ میں جنگ کے بادل مستقل منڈلا رہے ہیں ، امریکہ نے حملوں کا سلسلہ بڑھا دیا ہے۔ ایران کے کئی شہروں پر آبادی پر حملے کے بعد اب ایران کے جزیرہ خارگ کے قریب امریکی افواج نے ایک ایرانی آئل ٹینکر پر حملہ کیا ہے ۔اس سے قبل عالمی ادارے رائٹر زکی رپورٹ کے مطابق اسلحہ ماہرین کی جانب سے ان تصاویر اور ویڈیوز کے تجزیے سے واضح ہوگیا ہے کہ منگل 1 ستمبر کوجنوبی ایران (کوہستک) میں امریکہ نے عام ایرانی عوام پر شادی تقریب پر حملہ کیا۔ اسکول حملے کے بعد یہ دوسرا بڑا امریکی حملہ تھا جو عوام پر کیا گیا۔