شعور نیوز( انٹرنیشنل ڈیسک): امریکی ایجنسی ICEکی طرف سے امریکی عوام کے قتل کے خلاف احتجاج کرنے کے لیے ہزاروں احتجاجی مظاہر وں کی نئی لہر آگئی ہے۔ ’منیا پولس ‘ میں ہزار وں لوگ احتجاج کے لیے نکل آئے۔وہ امریکہ جو ایران کے مظاہروں پر مداخلت کی بات کر رہا ہے ، خود اُس کے اپنے اہلکار لوگوں کو قتل کرتے پھر رہے ہیں ، وہ خود اپنے ملک میں مظاہرے کنٹرول نہیں کرپارہا ۔ احتجاجوں کی اس سیریز میں ’ریئنی نکول گڈ ‘کے قتل کے ساتھ ٹرمپ کے خلاف بھی نعرے لگائے گئے۔ مظاہرین نے، Arrest Trump اور Abolish ICE, Trump go OUTجیسے نعرے لگائے۔یہ احتجاج ICE Out For Good نامی مہم کے تحت ہو رہا ہے، جس میں 1,000 سے زائد مظاہرے امریکہ کے بڑے شہروں میں ہوئے، جن کا مقصد ICE ایجنسی کو ختم کرنا اور ان کی طاقت کے غیر منصفانہ استعمال کو روکناضرور کرنا ہے۔

منیسوٹا شہر کے گورنر نے وفاقی ادارے کے اہلکاروں کو نیشنل گارڈز سے گرفتار کرانے کا بھی کہہ دیا ہے جو لوگ عوام پر گولی چلائیں گے یا کوئی غیر قانونی کام کریں گے۔

منیسوٹا شہر میں 9 جنوری کو ریئنی گڈ، ایک 37 سالہ ماں تھی اور اپنی کاڑی میں بیٹھی تھی کہ ICE ایجنٹ نے اس پر گولی چلا کر قتل کر دیا۔ قتل کے دفاع میں حکومت نے دعویٰ کیا کہ وہ ایجنٹ پر گاڑی چڑھا رہی تھی، جبکہ مظاہرین اور مقامی ویڈیوز اس بیان کو رد کرتے ہیں اور کہتے ہیں وہ محفوظ ہونے کی کوشش کر رہی تھی۔ یہ واقعہ سر راہ پیش آیا اس لیے عوام حقیقت کی گواہ ہے ۔اس کے ساتھ دو مزید قتل یہ فورس کر چکی تھی ۔ اس لیے رد عمل میں بھی ایسی شدت اب نظر آرہی ہے۔

(Immigration & Customs Enforcement)

ایک امریکی وفاقی ایجنسی ہے جو غیر قانونی تارکین وطن کو گرفتار، ڈی پورٹ اور اُن کی نگرانی کرتی ہے۔ صدر ٹرمپ کے دورِ حکومت میں اس نے طاقتور اور جارحانہ تشکیلات اختیار کی ہیں ، جس میں مقامی کمیونٹیوں میں بڑے پیمانے پر چھاپے، گرفتاریاں اور تشدد شامل ہیں۔اس اختیار کے ساتھ یہ فورس بے قابو ہو چکی ہے ۔

ریئنی گڈ جیسے قتل اور متعدد گاڑیوں میں فائرنگ کے واقعات نے لوگوں میں خوف اور عدم اعتماد پیدا کیا۔
شہری اور مقامی رہنما مطالبہ کر رہے ہیں کہ ICE کو منیا پولس سے نکالا جائے ۔
اپنے آپ کو انصاف، آزادی اور انسانی حقوق کا دعوے دار کہلانے والے ملک میں بے گناہوں کو ماورائے کورٹ اس طرح قتل کیا جا رہا ہے جو امریکی معاشرے کی دوغلی پالیسیوں کو بے نقاب کرتا ہے۔
سرمایہ دارانہ نظام میں ریاستی ادارے کمزوروں کے خلاف طاقت کا استعمال بڑھا دیتے ہیں تاکہ معاشی اور سیاسی مفادات کو تحفظ ملے، جس کا نتیجہ ظلم، ناانصافی اور انتشار کی صورت میں نکلتا ہے۔