شعور نیوز( انٹرنیشنل ڈیسک): امریکی ریاست مشی گن میں سب سے زیادہ مسلمانوں کی تعداد رکھنے والے شہر ڈیئر بورن میں قرآن مجید مصحف کی بے حرمتی کا واقعہ ہوا۔اس کےپیچھے دوسری ریاست فلوریڈا سے اس ناپاک ایجنڈے کو لیکر آنے والا صیہونی جیک لینگ تھا۔اُس نے اسلام کے خلاف ڈیئربورن شہر میں ریلی و دیگر سرگرمیوں کا اعلان کرا تھا۔اسی کے دوران اُس نے قرآن مجید کے مصحف کو نذر آتش کی کوشش کی جسے موقع پر غیرتمند مسلمانوں نے کسی طرح پہنچ کر بچا لیا۔جیک لینگ نے قرآن مجید مصحف کی بے حرمتی کے ساتھ جان بوجھ کر وہاں جو گستاخانہ الفاط ادا کیے وہ بھی ناقابل برداشت اور غیرت مند مسلمانوں کو اشتعال دلانے کے لیے کافی تھے۔اس کے بعد شہر میں مختلف مقامات پر مسلمانوں کے رد عمل جھگڑوں ہاتھا پائی کی صورت سامنے آئے ۔

ڈیئربورن پولیس نے ایک میں لوگوں پر زور دیا کہ وہ جیک لینگ کی ریلی میں شرکت سے گریز کریں ۔جیک لینگ کی ناپاک مہم میں ڈیئربورن کے رہائشیوں کو اسلام، تارکین وطن اور اقلیتوں کے خلاف زبان استعمال کی گئی ۔ پولیس نے لینگ اور اس کے حامیوں کے گرد کئی دھاتی رکاوٹیں کھڑی کیں، انہیں ہجوم سے الگ رکھا، جو کبھی کبھار لینگ پر چیختے رہے۔

تین مختلف ریلیاں تھیں۔ پہلی بار ڈیئربورن اور مسلمانوں کے حامی لبرل گروپوں نے نکالی ان میں سے کچھ نے فلسطینی جھنڈے اٹھا رکھے تھے ۔ پرانی سٹی ہال عمارت کے قریب مشی گن ایونیو کے جنوب میں ان کے اس پار اسلام مخالف مظاہرین تھے جن کی قیادت لینگ کر رہے تھے، جن پر 6 جنوری کو واشنگٹن ڈی سی میں ہونے والے احتجاج میں الزام عائد کیا گیا تھا، اور بعد میں امریکی صدر ڈونلڈ ٹرمپ نے انہیں معاف کر دیا تھا۔

امریکہ میں اس نوعیت کا واقعہ حالیہ عشروں میں پہلی بار سامنےآیا ہے ۔ رائٹ ونگ صیہونیوں نے ملی ہوئی چھوٹ کا فائدہ اٹھاتے ہوئے ، ریاست مشی گن کے اُس شہر کا انتخاب کیا ہے جہاں مسلمانوں کی اتنی بڑی تعداد سکون سے رہ رہی تھی کہ وہاں دوسری مرتبہ پورے شہر کی بلدیہ کے تمام عہدوں پر مسلمان ہی کامیاب ہوئے تھے۔

ایسی صورتحال میں اشتعال انگیزی اور مسلمانوں کو متشدد ظاہر کرکے اُن کے خلاف ماحول بنانے کا انتہائی کریہہ منصوبہ لے کر جیک لینگ داخل ہوا۔