شعور نیوز( انٹرنیشنل ڈیسک): قابض اسرائیل میں مقدس شہر یروشلم میں آرتوڈوکس فرقے کے یہودیوں پرایک اسرائیلی نے بس چڑھا کر ایک یہودی بچے کو قتل اور 3 کو زخمی کردیا۔مغربی و صیہونی میڈیا اس کو حادثہ قرار دے رہا ہے ۔ شمگار سٹریٹ پر ہزاروں الٹرا آرتھوڈاکس یہودی فوجی بھرتی کے قانون کے خلاف سڑکوں پر نکلے ہوئے تھے۔ڈرائیور کو موقع پر حراست میں لے لیا گیا، نام ظاہر نہیں کیا گیا۔ اس کا دعویٰ ہے کہ مظاہرین نے اس پر حملہ کیا، گاڑی کو روکا، اور اسے گھیر لیا، جس کے بعد وہ فرار ہونے کی کوشش میں بس آگے بڑھایا۔ اس نے پولیس ایمرجنسی لائن پر کال بھی کی تھی مدد کے لیے۔پولیس کا کہنا ہے کہ مظاہرین نے پتھراؤ، انڈے پھینکے، صحافیوں پر حملہ کیا، اور ٹریفک بلاک کر کے زندگیوں کو خطرے میں ڈالا۔

اس حادثے نے صیہونیت کے داخلی تضادات اور اندرونی سیاست کو بھی واضح کیا ہے جہاں ایک طبقہ فلسطین پر قبضہ کا خواہش مند ہے جبکہ ایک طبقہ یہ کہہ رہا ہے کہ ہم اس کے لیے کسی سے لڑنے نہیں جائیں گے ۔الٹرا یہودی مقبوضہ فلسطین میں 14 فیصد شمار ہوتے ہیں۔

تقریروں میں ڈرافٹ کو "ہولوکاسٹ" قرار دیا گیا، نعرے لگے "موت بہتر ہے گناہ سے"۔ یہ احتجاج اسرائیلی فوج کی افرادی قوت کی کمی کے خلاف تھا، جو غزہ، لبنان، شام، یمن اور ایران کی جنگوں کی وجہ سے پیدا ہوئی ہے۔ حریدی برادری مذہبی بنیادوں پر فوجی خدمت سے مستثنیٰ رہی ہے، لیکن اب نئے قوانین اسے چیلنج کر رہے ہیں۔

تفصیلات کے مطابق بس نے شمگار سٹریٹ پر تین مظاہرین کو ٹکر ماری، پھر کئی سو میٹر آگے جا کر ایک اور کو کچل دیا۔ ویڈیو میں بس کو سڑک پر لگی آگ سے گزرتے اور ایک شخص کو گھسیٹتے دیکھا جا سکتا ہے۔ مظاہرین نے سڑکیں بلاک کی تھیں، ڈمپسٹرز جلائے تھے، اور آتش گیر مائعات استعمال کیے تھے۔

قابض اسرائیل کی بنیاد (1948) کے وقت سے حریدیوں کو فوج میں جانے سے استثنیٰ ملا ہے، لیکن آبادی میں اضافے اور جنگوں کی وجہ سے سیکولر اسرائیلی اب اسے ناانصافی سمجھتے ہیں۔ یہ نیتن یاہو کی اتحادی مذہبی جماعتوں کے لیے سیاسی چیلنج ہے۔ احتجاج میں کچھ مظاہرین نے اسرائیل کو "اپارتھائیڈ ریاست" کہا۔

حقیقت میں، یہ اسرائیلی معاشرے کی ایک پیچیدہ سماجی اور سیاسی تقسیم کی عکاسی کرتا ہے۔ حریدی برادری (الٹرا آرتھوڈاکس یہودی) مذہبی تعلیمات کی وجہ سے فوجی خدمت سے گریز کرتی ہے، جبکہ سیکولر اور دیگر یہودی گروپس اسے ناانصافی سمجھتے ہیں کیونکہ وہ خود بار بار فوجی ڈیوٹی نبھاتے ہیں۔ یہ تناؤ 1948 سے چلا آ رہا ہے، اور جاری جنگوں نے اسے مزید شدید کر دیا ہے۔ نیتن یاہو کی حکومت کو مذہبی اتحادیوں کی حمایت کی ضرورت ہے، جبکہ عوام ڈرافٹ قوانین میں تبدیلی چاہتی ہے۔