ریناسنس اور لٹریچر

خوبصورتی! آخر یہ خوبصورتی کیا ہے؟

ایک دل کو چھو لینے والی نظم، رنگوں سے سجی ہوئی ایک تصویر، کھلے میدان میں تنہا کھڑا ہوا ایک درخت، سمندر کی لہروں کا رقص، کبھی قدیم فن پاروں میں، کبھی جدید آرٹ گیلریوں میں، کبھی بلند و بالا عمارتوں کی تعمیر میں، کبھی انسانوں کی لکھی ہوئی تحریروں میں، اور کبھی خود انسان کے چہرے، جذبات اور خیالات میں۔

یہ خوبصورتی ہر جگہ موجود ہے۔لیکن سوال یہ ہے:کیا یہ خوبصورتی صرف دیکھنے کے لیے ہے؟یا یہ ہمارے سوچنے، بدلنے اور جینے کے انداز کو بھی تبدیل کرسکتی ہے؟میں ہوں محمد احسان اور آپ دیکھ رہے ہیں شعور۔

آج ہم بات کر رہے ہیں ایسے لٹریچر، ادب اور فنون کے بارے میں، جس نے پورے یورپ میں صدیوں سے قائم چرچ کی حکومت کو زمین بوس کردیا۔اور عیسائیت کو ایسا زوال دکھایا کہ آج تک عیسائیت دوبارہ اس مقام پر واپس نہیں آسکی جہاں وہ کبھی یورپ کے معاشرے میں مرکزی طاقت ہوا کرتی تھی۔سن 1327ء میں یورپ کا وہ زمانہ تھا جب معاشرے کا ہر پہلو مذہب اور خدا کے گرد گھومتا تھا۔چرچ کی طاقت ناقابلِ چیلنج تھی، اور لوگ زندگی کے ہر معاملے میں رہنمائی کے لیے پادریوں کی طرف رجوع کرتے تھے۔

اسی ماحول میں Francesco Petrarch نامی ایک نوجوان بھی چرچ کی تعلیم حاصل کرچکا تھا۔اگرچہ پیٹرارک خود پادری نہیں تھا، لیکن چرچ اس کی روزمرہ زندگی کا حصہ تھا۔

وہ ایک مذہبی شاعر تھا، اور اس کے خیالات بھی باقی معاشرے کی طرح خدا مرکز تھے۔لیکن پھر ایک دن ایسا آیا جس نے نہ صرف پیٹرارک کی زندگی بلکہ پورے یورپ کی فکری تاریخ کا رخ بدل دیا۔یہ دن تھا:6 اپریل 1327ءپیٹرارک حسبِ معمول چرچ میں موجود تھا کہ اچانک اس کی نظر ایک عورت پر پڑی۔ایک خوبصورت، باوقار اور سنجیدہ حسینہ۔اس عورت کا نام تھا:"Laura de Sade"

پیٹرارک اس عورت کی خوبصورتی اور سادگی سے اس قدر متاثر ہوا کہ اس نے اپنی پوری زندگی اس عورت کے نام وقف کردی۔اگلے 26 سالوں کے دوران اس نے لارا کے لیے 207 نظمیں لکھیں۔لیکن وقت کے ساتھ ساتھ صرف اس کی شاعری ہی تبدیل نہیں ہوئی بلکہ اس کی سوچ اور فکر بھی بدلنے لگی۔اب وہ صرف اس عورت کی خوبصورتی پر نہیں لکھ رہا تھا۔بلکہ اس کی شاعری Human-Centric یعنی انسان مرکز بن چکی تھی۔اس نے انسان کی خوبصورتی، جذبات، دکھ درد، خوابوں، عقل و دانش اور تخلیقی صلاحیتوں پر لکھنا شروع کیا۔یہ وہ لمحہ تھا جہاں فلسفہ Humanism کی بنیاد پڑی۔Humanism کے مطابق انسان کا مقصد صرف خدا کی بندگی اور رضا کا حصول نہیں ہونا چاہیے، بلکہ کامیاب انسان وہ ہے جو اپنی رضا اور خواہش کے حصول میں آزاد ہو۔اسی وجہ سے Francesco Petrarch کو:"Father of Humanism"

کہا جاتا ہے۔کیونکہ اسی نے سب سے پہلے یورپ میں God-Centered یعنی خدا مرکز معاشروں کے مقابلے میں Human-Centered یعنی انسان مرکز سوچ کو متعارف کروایا۔

مشہور مورخ Will Durant اپنی شہرہ آفاق کتاب:The Story of Civilization

میں اس واقعے کو بیان کرتے ہوئے لکھتا ہے:"یہی وہ لمحہ تھا جس سے یورپ میں نشاۃ ثانیہ (Renaissance) کا آغاز ہوا۔"نشاۃ ثانیہ یعنی وہ دور جب چرچ کی صدیوں سے قائم طاقت آہستہ آہستہ فلسفہ Humanism کے ہاتھوں کمزور ہونے لگی۔یہ وہ فلسفہ تھا جس میں کائنات کے اندر انسان کو مرکز بنانے کی کوشش کی گئی۔اور Humanism سے متاثر ہونے والے شاعروں، مصوروں اور ادیبوں نے یورپ کو ایک ایسے راستے پر لے جانا شروع کیا، جہاں لوگوں کی توجہ کا مرکز آخرت کی زندگی کے بجائے محض دنیاوی زندگی بنتی چلی گئی۔Francesco Petrarch سے متاثر ہوکر یورپ میں شاعروں، ادیبوں اور مصوروں کی ایک نئی نسل سامنے آئی، جنہوں نے انسان کی عظمت، فطرت کی خوبصورتی اور دنیاوی خوشیوں کو بیان کرنا شروع کیا۔یہ وہ لوگ تھے جنہوں نے عیسائیت کو بالواسطہ یا بلاواسطہ چیلنج کیا۔اور یورپی معاشرے کا رخ مذہب سے ہٹا کر انسان کی طرف موڑنا شروع کردیا۔اسی تبدیلی کے ماحول میں:Giovanni Boccaccio

کی کتاب:Decameronمنظر عام پر آئی۔1348ء میں جب اٹلی میں طاعون پھیل گیا، تو سات عورتیں اور تین مرد ایک چرچ میں پناہ لیتے ہیں۔وہاں وقت گزارنے کے لیے وہ ایک دوسرے کو کہانیاں سناتے ہیں۔ہر دن دس کہانیاں۔یعنی دس دنوں میں سو کہانیاں جمع ہوتی ہیں۔اور یہی کہانیاں:Decameron

کہلاتی ہیں۔

ان کہانیوں میں انسان کی محبت، لالچ، خوف، امید، حسد اور فطری جذبات کو خوبصورتی سے بیان کیا گیا ہے۔کچھ کہانیاں ایسی بھی تھیں جو براہِ راست عیسائی پادریوں کی کرپشن اور منافقت کو بے نقاب کرتی تھیں۔اسی وجہ سے یہ کتاب صرف ایک ادبی اور فنی مجموعہ نہیں رہی۔بلکہ یہ ایک فکری ہتھیار بن گئی، جس نے چرچ کی طاقت کو کمزور کرنے میں ایک خاموش لیکن مؤثر کردار ادا کیا۔

اور 2024ء میں ان کہانیوں پر مبنی:The Decameron

نامی ایک ٹی وی سیریز بھی Netflix پر بن چکی ہے۔

دوسری جانب یورپ میں ایسے خاندانوں کا عروج ہوا جو اس بڑی تبدیلی یعنی خدا مرکز معاشرے سے انسان مرکز معاشرے کی طرف سفر کو صرف پسند ہی نہیں کرتے تھے بلکہ اسے باقاعدہ پروان بھی چڑھا رہے تھے۔ان میں ایک مشہور خاندان:Medici Familyتھا۔یہ خاندان یورپ کے امیر ترین اور سب سے بااثر خاندانوں میں شمار ہوتا تھا۔خاص بات یہ تھی کہ چار Popes بھی اسی خاندان سے منتخب ہوچکے تھے۔لیکن وقت کے ساتھ ساتھ مفادات کے ساتھ ساتھ ان کے نظریات بھی تبدیل ہوتے گئے۔میڈیچی خاندان Humanism سے گہرا متاثر تھا۔

انہوں نے شاعروں، ادیبوں، فنکاروں اور معماروں کی سرپرستی کی۔انہیں سپورٹ اور فنڈز فراہم کیے، انہیں ایک آزاد ماحول دیا، اور ان کے خیالات کو معاشرے تک پہنچانے کا ذریعہ بنے۔

میڈیچی خاندان کی اس Investment سے یورپ میں ایک ایسا فکری انقلاب پیدا ہوا جس میں انسان لوگوں کی توجہ کا مرکز بنتا چلا گیا، اور مذہب کو ذاتی زندگی تک محدود کرنے کا رجحان پیدا ہونے لگا۔اگر یہ کہا جائے کہ:"یہ Medici Family نہ صرف فلسفہ Humanism سے متاثر تھی، بلکہ اس خاندان نے باقاعدہ یورپ میں اس فلسفہ Humanism کی پرورش بھی کی"تو یہ کہنا بالکل بھی غلط نہ ہوگا۔اس خاندان نے جن فنکاروں کو فنڈ کیا، ان میں ایک عظیم نام:Michelangeloکا ہے۔

مائیکل اینجلو نے:Davidکے نام سے ایک مجسمہ بنایا۔یہ مجسمہ ایک مکمل برہنہ انسان کا تھا۔اس مجسمے کو دیکھ کر اندازہ لگایا جاسکتا ہے کہ یہ اُس وقت کی عیسائیت، پاپائیت اور چرچ کے نظریات کے خلاف، بلکہ ہر مذہبی اقدار کے خلاف ایک خاموش بغاوت بھی تھی۔اسی وجہ سے پادریوں نے اسے فحاشی اور بے حیائی قرار دیا۔لیکن اس مجسمے نے معاشرے میں جو خاموش اثر پیدا کرنا تھا، وہ کرچکا تھا۔اور وہ اثر تھا:مذہبی اقدار کو معاشرے میں پیچھے دھکیلنا۔لیونارڈو ڈاونچی کا نام بھی دنیا بھر میں مشہور ہے۔انہیں بھی اسی Medici Family نے فنڈ کیا تھا۔وہ اسی Renaissance دور کے عظیم ترین فنکاروں میں شمار ہوتے ہیں۔ان کی مشہور پینٹنگ:Vitruvian Manانسانی جسم کی ساخت، تناسب اور خوبصورتی کا ایک حیرت انگیز نمونہ ہے۔

اس پینٹنگ میں لیونارڈو نے یہ دکھانے کی کوشش کی کہ انسان خود ایک مکمل نظام ہے، ناپ تول، توازن اور حسن کا ایک شاہکار ہے۔اسی طرح ان کی ایک اور مشہور تخلیق:Mona Lisa

ہے۔جس میں ایک عورت کے چہرے کے جذبات، اسرار اور خوبصورتی کو اس انداز میں پیش کیا گیا کہ یہ پینٹنگ صدیوں سے دنیا بھر کی توجہ کا مرکز بنی ہوئی ہے۔آج بھی ماہرین اس کے رازوں پر تحقیق کر رہے ہیں۔یہ فن پارے صرف تصویریں نہیں تھے بلکہ ایک پورے دور کی فکری تبدیلی کی علامت تھے۔پہلے توجہ کا مرکز صرف خدا اور مذہب ہوا کرتے تھے۔لیکن ان فن پاروں نے انسان کو توجہ کا مرکز بنا دیا۔نہ صرف تصویری فنون بلکہ شاعری، ڈرامے اور کہانیاں بھی Renaissance کے دور میں ایک نیا رخ اختیار کرچکی تھیں۔

اس زمانے کے مشہور ڈرامہ نگار:William Shakespeareنے ایسے موضوعات پر کام کیا جنہوں نے انسانی جذبات، محبت، اختیار اور شک کو مرکزی حیثیت دی۔اس کی شہرہ آفاق کہانی:"Romeo and Juliet"ایک ایسی لازوال محبت کی داستان ہے جو آج بھی دنیا بھر میں مثال کے طور پر پیش کی جاتی ہے۔اسی طرح اس کا ڈرامہ:"Hamlet"

انسان کے باطنی تضادات، انتقام اور شک کی کیفیت کو بہت گہرائی سے بیان کرتا ہے۔اس دور کا ایک اور بڑا نام:Christopher Marloweتھا۔اس کے ڈرامے:"The Jew of Malta"میں مذہب کے نام پر ہونے والی منافقت، ظلم اور طاقت کے غلط استعمال کو بے نقاب کیا گیا۔یہ ڈرامہ بہت سے لوگوں کے لیے آنکھیں کھولنے والا ثابت ہوا، کیونکہ اس نے مذہبی رہنماؤں کے کردار پر سوال اٹھائے۔Renaissance کے اس دور میں ایسی سینکڑوں مثالیں دی جاسکتی ہیں، جب ادب، فنونِ لطیفہ، مصوری اور ڈرامے ایسے انداز میں بنائے گئے جنہوں نے یورپ میں مذہب، خاص طور پر عیسائیت اور چرچ کی طاقت کو آہستہ آہستہ کمزور کردیا۔بعض لٹریچر اور آرٹ تو صرف مذہبی موضوعات سے ہٹ کر فطرت اور انسان کی طرف متوجہ ہوئے، جبکہ کچھ نے براہِ راست چرچ، عیسائی عقائد اور مذہبی پیشواؤں پر تنقید کرکے معاشرے کے بنیادی ڈھانچے کو جھنجھوڑ کر رکھ دیا۔اور مذہب کو معاشرے سے پیچھے دھکیل کر انسان مرکز معاشروں کی بنیاد رکھی۔یہ حقیقت نظر انداز نہیں کی جاسکتی کہ ادب، فن، فلم، ڈرامہ یا آرٹ کا کوئی بھی انداز معاشرے پر اثر ڈالے بغیر نہیں رہتا۔اکثر یہ کہا جاتا ہے:

"ہم تو صرف وہی دکھاتے ہیں جو معاشرے میں ہوتا ہے، ہم صرف معاشرتی مسائل کی عکاسی کرتے ہیں۔"یہ بات ہمارے معاشرے میں بھی بعض دانشور اور ٹی وی انڈسٹری سے وابستہ لوگ دہراتے ہیں۔لیکن حقیقت یہ ہے کہ جو کچھ معاشرے میں شائع ہوتا ہے، وہ صرف معاشرے کا عکس نہیں ہوتا بلکہ وہ معاشرے کی سمت اور رخ متعین کرنے والا بھی ہوتا ہے۔وہ معاشرے میں لوگوں کی سوچ کو متاثر کرتا ہے، لوگوں کی اقدار اور اخلاقیات کو تبدیل کرتا ہے، اور آہستہ آہستہ پورے معاشرے کی سوچ کو ایک نئے سانچے میں ڈھال دیتا ہے۔جس کے نتیجے میں ان کی تہذیب میں تبدیلی آجاتی ہے۔Renaissance کی مثال ہمارے سامنے ہے۔ایک ایسا یورپ جہاں کبھی چرچ کی مرضی کے بغیر زندگی کا کوئی فیصلہ ممکن نہ تھا، وہاں عیسائیت کے خلاف ایک بیانیہ ادب، فن اور فلسفے کے ذریعے پھیلایا گیا۔اور اس کا نتیجہ ایک ایسا تاریخی انقلاب نکلا جس نے صدیوں پر محیط چرچ کے اختیار کو زمین بوس کردیا۔آج تک عیسائیت یورپ میں ویسی مرکزی طاقت نہیں بن سکی۔یہ سب کچھ ہم مسلمانوں کے لیے، خاص طور پر پاکستانی مسلمانوں کے لیے، غور و فکر کا لمحہ ہے۔ہمارے ہاں بھی فلموں، ڈراموں، ناولز، کتابوں، سوشل میڈیا اور دیگر ذرائع کے ذریعے ایسا مواد پھیل رہا ہے جو اسلامی اقدار کے خلاف ایک خاموش بیانیہ تشکیل دے رہا ہے۔اگر کہیں ایسا مواد نظر آئے جو اسلام مخالف سوچ کو فروغ دے رہا ہو، تو محض نظر انداز نہ کریں۔

اسے پہچانیں، رد کریں، اور رپورٹ کریں۔ورنہ Renaissance اپنے آپ کو دوبارہ دہرانے میں دیر نہیں کرے گی۔

پڑھیں / سیکولرزم

ریناسنس اور لتریچر

فہرست

Renaissance and Literature

فہرست