تعلیم یافتہ لوگوں کی نسبت یہ کہنا درست ہوگا کہ وہ یہ جملہ کہہ کر کہ ''سائنسی علوم میں اختلاف نہیں پایا جاتا'' دراصل تجاہلِ عارفانہ سے کام لیتے ہیں، حقیقت تو یہ ہے کہ علم کا کوئی سا بھی شعبہ ہو اور علماء کی کوئی سی بھی جماعت، خواہ اس کا تعلق سائنسی علوم سے ہو یا سماجی علوم سے، مذہب سے ہو یا فلسفے سے، معیشت سے ہو یا معاشرت سے، اُن میں علمی اختلاف کی حیثیت بنیادی ترین کلید کی ہے۔

ایک مثال Economics کی تعریف Definition ہی کو لیجیے، اس میں بھی اہل علم کے تین گروہ ہیں، کلاسیکل ، نیو کلاسیکل اور ماڈرن اکنامسٹس، اوردلچسپ و حیران کن بات یہ ہےکہ تینوں گروہوں کےمابین اکنامکس کی فروعات ہی میں نہیں بلکہ بنیادی تعریف ہی میں بعدالمشرقین کا فرق ہے، گویا اکنامکس کیا ہے، صرف اس ایک بنیادی تعریف ہی پر اہل علم کا اتفاق نہیں ہے اور وہ تین مختلف گروہوں میں منقسم ہیں۔

اسی طرح دیگر شعبہ ہائے علم کو یکےبعد دیگرے دیکھتےجائیے،فزکس جیسے خالصتاً مادی سائنس میں بھی مختلف مکاتب فکر موجود ہیں۔ تخلیق کائنات کے بارے میں بھی ایک سے زائد نظریات مثلاً بِگ بینگ، اسٹرنگ تھیوری وغیرہ ہیں۔ سماجی علوممیں سے ہر ایک کے مفروضات و نظریات دوسرے سے مختلف ہوتےہیں لہذا نہ صرف یہ کہ یہ کبھی متفق الرائے نہیں ہوسکتے، بلکہ پالیسی سازاداروں پر جس کا سیاسی زور چلتا ہے وہ اپنے نظرئیے سے ہم آہنگ پالیسیاں معیشت و معاشرت پر مسلط کرکے کروڑوں انسانوں کے مستقبل کو اپنے نظریات کی سچائی ثابت کرنے کے لئے تختہ مشق بنادیتا ہے۔

غرض کہ سائنسی علوم میں بھی اختلاف رائے اور مکاتب فکر کا نہ ختم ہونےوالا سلسلہ ویسا ہی بےکنار ہےجیسا کہ دنیا کےہر چھوٹے بڑے مذاہب میں پایاجاتا ہے، اور اس کی وجہ مذہب یا سائنس نہیں بلکہ دراصل انسانی اذہان کا مختلف الخیال ہونا ہے، ایک ہی حقیقت کو دیکھنے اور سمجھنے میں ہردوسرا اہل علم نئے زاوئیے اور نئے سے نئے خیالات کی بنیاد پر دیکھتا ہے اسے سمجھتا اور بیان کرتا ہے۔

لہٰذااختلاف رائے اور مکاتب فکر کی کثرت کی بنیاد پر مذہب کی تقصیر و تحقیر کرنا ایک مبنی بر تعصب رویہ ہے ۔ اگر اختلاف کی بنیاد پر مذہب کا انکار کیا جاسکتا ہے کہ تمام سائنسی علوم کا بھی انکار کردینا چاہیے کیونکہ یہ بھی اختلافات ی زد میں ہی ہیں۔

پڑھیں / فلسفہ و نظریات

مذاہب میں اختلاف کیوں؟

فہرست

مذاہب میں اختلاف کیوں؟

فہرست