سائنس کی عبادت کب تک.....؟

ہمارے یہاں ایک عجیب ذہنی بیماری پھیل چکی ہے۔ خود کو پڑھا لکھا یا بڑا برگر دکھانے کیلئے ہر چیز کا معیار سائنس کو بنا لیتے ہیں، اور یہ سمجھ بیٹھتے ہیں کہ جسے Science بیان نہ کرے وہ سراسر جھوٹ ہے۔یہ دیکھنے میں تو بڑا علمی رویہ لگتا ہے، لیکن حقیقت میں یہ علم نہیں بلکہ انتہائی فکری سطحی پن ہے، جسے بڑی مہارت سے "جدید عقل" کا نام دے دیا جاتا ہے۔مسئلہ یہ ہے کہ ایسے لوگ Science کو سمجھنے کے بجائے اس کی عبادت شروع کر دیتے ہیں۔

میری تنقید Science پر نہیں، بلکہ اس رویے پر ہے جو Science کو حقیقت کا واحد معیار سمجھ بیٹھتا ہے۔ خود میں بھی Science کا طالبِ علم ہوں۔سائنس فقط ایک طریقۂ تحقیق (Method of Inquiry) ہے، مگر اسے حقیقت کا واحد معیار بنا دینا خود Science کے ساتھ ناانصافی ہے۔

مزے کی بات یہ ہے کہ جو لوگ یہ دعویٰ کرتے ہیں کہ صرف Science ہی حقیقت ہے، وہ خود اس دعوے کو کبھی Science سے ثابت نہیں کر سکتے۔یہیں سے پہلا بنیادی مسئلہ سامنے آتا ہے۔ کیا Science خود Science کو ثابت کرتی ہے؟ جواب سیدھا سا ہے: نہیں۔۔۔ Science منطق (Logic) پر کھڑی ہے مگر Logic خود Science کا تجربہ نہیں۔ Science سبب اور نتیجہ (Cause and Effect) کے اصول پر چلتی ہے مگر اس اصول کو خود Science نے ایجاد نہیں کیا۔ Science تجربے (Experience) پر اعتماد کرتی ہے مگر تجربے کی سچائی کو خود تجربہ مکمل طور پر ثابت نہیں کرتا۔ یعنی جس زمین پر Science کھڑی ہے وہ خود Science سے باہر ہے۔اب اگر کوئی ارتقاءِ ڈارون کے ذریعہ پیدا ہونے والا، بندر ۔۔۔۔معذرت۔۔۔۔ انسان اسی Science کے نام پر یہ اعلان کرے کہ جو چیز Science سے ثابت نہ ہو وہ موجود ہی نہیں تو یہ علم نہیں بلکہ خود Science سے جہالت کا منہ بولتا ثبوت ہے۔اب سمجھنے کی بات۔کہ کیا ہر Reality، Science کے دائرے میں آ سکتی ہے؟ اگر جواب ہاں میں دیا جائے تو پھر چند سادہ سوالات اس پورے دعوے کو توڑ دیتے ہیں۔کیا محبت کو ناپا جا سکتا ہے؟ کیا درد، احساس اور قربانی کو جاننے کیلئے کچھ ہے؟

کیا اخلاقیات (Morality) کو کسی لیباٹری میں بنایا جا سکتا ہے؟

کیا Logic، جو خود Science کی بنیاد ہے، کسی Scientific Experiment سے ثابت ہوتی ہے؟اگر نہیں، اور بالکل نہیں۔تو پھر یہ دعویٰ کہ صرف Science ہی سب کچھ ہے، خود Non-Scientific، Non-Empirical اور غیر ثابت شدہ ہے۔اصل مسئلہ یہ ہے کہ اس سوچ میں پہلے سے یہ فرض کر لیا جاتا ہے کہ صرف مادی چیزیں موجود ہیں۔ یعنی نتیجہ پہلے طے کر لیا جاتا ہے اور پھر Science کو اس نتیجے کے حق میں استعمال کیا جاتا ہے۔ یہ تحقیق نہیں بلکہ پہلے سے بنائے گئے نظریے کی Advocacy ہے۔ خدا کے مسئلے پر بھی یہی کھیل کھیلا جاتا ہے۔ کہا جاتا ہے کہ خدا Science سے ثابت نہیں اس لیے خدا موجود نہیں۔ لیکن سوال یہ ہے کہ کیا وجود کا معیار صرف Scientific Evidence ہے؟ اگر کوئی یہ طے کر لے کہ صرف وہی چیز موجود ہے جو Laboratory میں آ سکے تو اس نے پہلے ہی اپنے لیے ایک تنگ دائرہ بنا لیا اور پھر اسی دائرے کو پوری Reality سمجھ لیا۔بات یہ ہے کہ Science صرف "How" کا جواب دیتی ہے، "Why" کا نہیں۔سائنس بتاتی ہے کہ چیزیں کیسے کام کرتی ہیں مگر یہ نہیں بتا سکتی کہ وہ وجود میں ہی کیوں آئیں۔ مثال کے طور پر Science بتا دیتی ہے کہ موت Cell کے اندر حیاتیاتی نظام کے بند ہونے اور جسمانی افعال کے رکنے سے واقع ہوتی ہے، لیکن وہ یہ نہیں بتا سکتی کہ موت کیوں آتی ہے یا اس کا Ultimate Purpose کیا ہے۔لیکن جب کوئی شخص ادھورے فکری پس منظر میں How کے جواب کو Why کا جواب سمجھ لیتا ہے تو وہاں سے فکری گمراہی شروع ہوتی ہے۔درحقیقت Science ایک محدود ذریعہ ہے کسی چیز کو جاننے کا۔نہ کہ حقیقت کا مکمل معیار۔۔۔ اسے ہر سوال کا جواب بنانا دراصل خود Science کی توہین ہے۔۔ رہی بات اس طبقے کی جو Science کے نام پر ہر غیر مادی حقیقت کو رد کرتے ہیں، وہ دراصل Science کو نہیں بڑھا رہے بلکہ اسے ایک محدود نظریے (Ideology) کا قیدی بنا رہے ہیں۔لہٰذا سادہ سی بات یہ ہے کہ ہر چیز Science سے ثابت نہیں ہو سکتی اور نہ ہی Science ہر چیز کے لیے بنی ہے۔ جو اس فرق کو نہیں سمجھتا، وہ علم کے نام پر صرف اپنی فکری تنگی کو مضبوط کر رہا ہوتا ہے اور کچھ نہیں۔

مشارب خان

پڑھیں / جدیدیت

سائنس کی عبادت کب تک.....؟

فہرست

تعارف

فہرست