میریٹل ریپ کا پوسٹ مارٹم

Marital Rape

جیسی بےہودہ اصطلاح فیمنزم کی ایجاد تو ہے ہی مگر آبادی کنٹرول کرنے کے بہت بڑے پراجیکٹ کا حصہ بھی ہے۔ اس نظریے کو ہوا دینے میں کئی ذرائع بروئے کار لائے گئے ہیں۔ جن میں ایک زریعہ ناول نگاری ہے۔ ایسے ناولز سافٹ پارن کی کیٹیگری میں بھی تشریف فرما ہیں جو کہ بیڈ روم سے شروع ہو کر بیڈ روم میں ہی ختم ہو جاتے ہیں۔ جو ہیروئن کو ایک ننھی، کاکی، کانچ کی گڑیا جیسا دیکھاتے ہیں، جو زہنی طور پر شادی کے لیے تیار نہیں ہوتی لیکن اپنے سارے حق لینا باخوبی جانتی ہے۔ ایسے ناولز میں ایک ایسے ہیرو کا تصور پیش کیا جاتا ہے جو دنیا کی نظر میں ایک بہترین انسان ہے، بیوی کی تمام ضروریات پوری کرنا اپنا اولین فرض سمجھتا یے لیکن رات ہوتے ہی ایک Beast بن جاتا ہے۔ ایسی ہزاروں کہانیاں اور ناولز نظر سے گزر چکے ہیں جس میں مرد کو صرف ایک کام کے پیچھے بھاگتے ہوئے اور عورت کو اس سے خوف زدہ دیکھایا گیا اور یہ ناولز پڑھنے والی لڑکیاں اپنے شوہر کو اسی روپ میں دیکھنا شروع کر دیتی ہیں۔ ان ناولز کو پڑھنے والی لڑکیوں کے کمنٹس کچھ اس طرح ہوتے ہیں:

"کاش مجھے بھی ایسا دولہا ملے پھر میں بھی ایسے ہی نخرے دیکھاوں گی۔"

"یار ویسے ایسے رلیشن شپ میں بھی کتنا چارم ہے نا بس مرد کو اپنے پیچھے لگا کر رکھو اور ساری باتیں منواو۔"

"یار لڑکوں کے لیے شادی کا مقصد کیا صرف یہ کام ہی ہوتا ہے؟"

اور بھی کمنٹس ہیں جو میں یہاں ذکر کرنا نہیں چاہوں گی۔ یہاں تک کہ کم عمری میں ایسے ناولز پڑھنے والی لڑکیاں یا تو سیکس ایڈکٹ بن جاتی ہیں یا پھر سیکس سے ڈرنا شروع ہوجاتی ہیں۔ اس طرح کے ناولز پڑھ کر لڑکیاں جب شادی کے بعد شوہر کو hard time دیتی ہیں، ان کو بغیر کسی شرعی وجہ کے ان کا حق نہیں دیتیں اور خود کو ناول والی ہیروئن سمجھنے لگتی ہیں اور اگر اس وقت شوہر اپنا حق حاصل کر لے تو پھر یہ لڑکیاں Marital rape جیسے بےہودہ نظریے کا شکار ہو جاتی ہیں۔ وہ یا تو اپنی کسی سہیلی سے اس ( ظلم ) کا تذکرہ کرتی ہیں یا پھر کسی سوشل میڈیا گروپ میں پہنچ کر مشورے طلب کرتی ہیں یا پھر فیمنزم کی گود میں بیٹھتے ہوئے، شوہر کو ظالم ثابت کرنے کے لیے بار بار انکار کرتی ہیں۔ اگر سامنے سے انکار کو وصول نہ کیا جائے اور اپنا حق حاصل کر لیا جائے تو اس کا مطلب یہ شخص ہوا پکا rapist اور ظاہر ہے کہ ایک عورت Rapist کے ساتھ کیسے رہ سکتی ہے۔ یہاں یہ بات سمجھنا بہت ضروری ہے وہ یہ کہ کچھ لڑکیاں Fear of Sex کا شکار بھی ہوتی ہیں یعنی یہ مختلف اقسام کے phobias ہوتے ہیں جن میں لڑکی کو سیکس کا سوچ کر ہی انزائٹی ہونے لگتی ہے یا پھر panic attacks آنے لگتے ہیں۔ اس کی وجوہات میں بچپن میں جنسی زیادتی یا کسی بھی قسم کا پاسٹ ٹراما ہوسکتا ہے لیکن یہ کنڈیشن قابل علاج ہے اور مختلف تھراپیز کے زریعے ایسی لڑکیاں اس فوبیا سے نجات حاصل کر سکتی ہیں۔ اگر اللہ نے کرے کے کسی کی شادی ایسی لڑکی سے ہوگئی ہے تو شوہر کو صبر سے کام لینا ہوگا جب تک کہ لڑکی مکمل طور پر اس خوف سے باہر نہ آجائے۔ یہ تو ہوا ایک psychological پہلو لیکن جس طرح تبدیلی جنس Gender identity disorder کو اب gender dysphoria کام نام دے دیا گیا یے ( DSM5)میں اور باقاعدہ انسانی حقوق کی فہرست میں کھڑا کیا جارہا ہے بلکل ایسے ہی اس فئیر آف سیکس والے معاملے میں کیا گیا۔ اب وہ لوگ جو تبدیلی جنس کے ذہنی مرض میں مبتلا نہیں ہیں بلکہ اپنی خواہش نفس کے تحت من مانی کر رہے ہیں یا صحبت کے اثر سے بگڑ کر جنس تبدیل کروا رہے ہیں بلکل ایسے ہی بہت سی لڑکیاں کسی بھی قسم کے Fear of Sex کے ذہنی مرض میں مبتلا نہیں ہیں بلکہ میرا جسم میری مرضی کے عقیدے کو تسلیم کر کے اپنی من مانی کرنا چاہتی ہیں اور Marital rape اس من مانی کی ایک صورت ہے۔ حق زوجیت کو دین اسلام ایک الگ lens سے پیش کرتا ہے۔ جس کے کچھ قاعدے قانون ہیں۔ جہاں مرد کو عورت کے جذبات و جسمانی صحت کا خیال رکھنے کی تلقین کی گئی ہے، عورت کی فطری شرم و حیا کو مد نظر رکھنے کی تلقین کی گئی ہے، وہیں عورت پر لازم کیا گیا ہے کہ بغیر کسی شرعی وجہ کے اپنے شوہر کو انکار نہ کرے ورنہ گناہ گار ہوگی مگر فیمنزم اسے صرف consent سے مشروط کر کے ریپ کے زمرے میں لا کھڑا کرتا یے یعنی اگر بیوی ذہنی و جسمانی طور پر صحت مند ہے۔ حق زوجیت کی نوعیت کو بھی سمجھتی ہے یہاں تک کہ شوہر سے محبت بھی کرتی ہے لیکن اگر وہ منع کر دے تو شوہر اپنا بوریا بسترا اٹھا کر نیند کی راہ اختیار کرے اور اگر بیوی یہ حق اسے ساری زندگی نہ دے تو تب بھی شوہر ساری زندگی اچھے بچوں کی طرح منہ پر انگلی رکھ کر بیبا بچہ بنا رہے۔ اپنی اس خواہش کو مار لے، اگر اس نے اپنا حق لینے کی کوشش کی تو Rapist اور اگر کسی اور عورت کو نکاح میں لانے کی بات کی تو پکا پکا ہوس کا مارا ہے۔ جسے صرف ایک جسم درکار ہے۔اب یہاں فیمنزم کے نظریے consent کو سمجھنا بہت ضروری ہے جس کے تحت انہوں نے (میرا جسم میری مرضی) کا نعرہ ترتیب دیا ہے۔ فیمنزم مذہب کی دنیا میں عورت کا خدا اس کا consent یعنی رضا مندی ہے ۔ اگر عورت راضی ہے تو وہ ایک کیا کئی مردوں سے معاشقے لڑا سکتی ہے، اگر عورت راضی ہے تو وہ بغیر شادی کے اپنے بوائے فرینڈ کے ساتھ نہ صرف جسمانی تعلقات استوار کر سکتی ہے بلکہ اولاد بھی پیدا کر سکتی یے، اگر عورت کی رضا مندی یے تو وہ اپنی جنس تبدیل بھی کروا سکتی ہے اور سیم سیکس میرج بھی کر سکتی ہے، اگر عورت کی رضا مندی ہے تو وہ جب چاہے اپنا آپریشن کروا سکتی ہے تاکہ اولاد پیدا کرنے کی جھنجھٹ ختم ہوجائے، اگر عورت راضی ہے تو وہ شوہر کی اجازت کے بغیر اپنا Abortionابارشن کروا سکتی ہے، اگر عورت چاہے تو شوہر کی اجازت کے بغیر خاموشی سے مانع حمل ادویات کا استعمال کرسکتی ہے کیوں کہ عورت اپنے جسم کی مالکن ہے لہذا اولاد پیدا کرنی ہے یا نہیں اس بات کا فیصلہ عورت کرے گی۔ عورت کی رضا مندی نہیں ہے تو شوہر حق زوجیت حاصل نہیں کرسکتا ورنہ اسے سنگین قانونی کارروائی کا سامنا کرنا پڑ سکتا ہے۔ ایک فیمنسٹ فرماتی ہیں کہ

" Marriage is not a license to rape, consent is EVERYTHING" ( Sharddha pant).

پچھلے ہی دنوں ایک پاکستانی ڈرامے میں بھی میریٹل ریپ اور کانسینٹ کو کھول کر پیش کیا گیا۔

اب اس consent نامی منتر کو کون کس طرح پڑھتا ہے ، فیمنزم کی کس قسم میں اسے کیا نام دیا گیا یے اور اسلامک فیمنزم کے نام پر اسے دین اسلام میں کس طرح گھسانے کی کوشش کی گئی ہے یہ کلچر اور مختلف ممالک میں مختلف ہوسکتا ہے لیکن ایجنڈا برحال ایک ہی ہے۔ عورت کا خدا اس کا consent. رضا مندی ہو تو جمعدار سے بھی زنا بالرضا کو محبت و احترام کا نام دیا جائے گا اور اگر رضا مندی نہیں تو شوہر نامدار بنے گا وحشی Rapist.

اس مسئلے سے کئی اور مسائل جنم لیتے ہیں جسے فیمنزم مسائل نہیں سمجھتا بلکہ انسانی حقوق کی فہرست میں شامل کر دیتا یے۔ یعنی جب انسان قانون فطرت کے خلاف جائیں گے تو مختلف قسم کی ذہنی بیماریاں جنم لیں گی۔ عورتیں لیزبینز بنیں گی تو مرد مردوں سے تعلقات بنائیں گے یا پھر مرد کا زنا کی جانب جانا اور عورت کا ایک سے زائد پارٹنر رکھنا کیوں کہ شوہر اسے وحشی لگ رہا ہے تو وہ کوئی ایسا پارٹنر تلاش کرے گی جو رضا مندی کا جھنڈا اٹھائے ہوئے ہو۔ پھر تبدیلی جنس کا معاملہ القصہ مختصر یہ ہے کہ اس صورت میں معاشرہ پاکیزہ نہیں بلکہ غلیظ ہوتا چلا جائے گا۔ اب دین اسلام اور فینزم یہ دو نظریات آمنے سامنے ہیں۔ مختلف ذرائع سے فیمینزم دین اسلام میں گھسنے کی کوشش بھی کر رہا یے اور فلموں، ڈراموں، ویب سیریز اور ناولز کے زریعے نوعمر لڑکیوں کو رشتہ ازدواج کا معنی و مقصد مسخ کرنا بھی سیکھا رہا ہے۔ یہاں تک کے ہمارے معاشرے میں اب یہ ایک فیشن بنتا جا رہا ہے کہ شادی کے بعد لڑکی کا بغیر کسی وجہ کے انکار کرنا اور لڑکے کا ہر حال میں خود کو gentle man ثابت کرنے کے لیے سر تسلیم خم کیے رکھنا ورنہ ریپسٹ کہلایا جائے گا۔

اب مسئلہ یہ ہے کہ ہم کسی پرابلم کو پہچان تو لیتے ہیں اس پر بات بھی کرتے ہیں لیکن اس کی جڑ تک نہیں پہنچتے کہ آیا یہ بات اسلامی معاشرے میں کیسے پنپ گئی۔ ہمیں اس معاملے میں باریکیوں کو سمجھنے کی ضرروت ہے۔ ان تمام راستوں پر نظر رکھنے کی ضرورت ہے جہاں سے ایسے باطل نظریات ہمارے معاشرے کا حصہ بنائے جا رہے ہیں، نو عمری سے ہی دینی احکامات کی تعلیم اپنی اولاد کو دینے کی اشد ضرورت ہے تاکہ لڑکا ہو یا لڑکی اسے شادی کے بعد اپنا رول بہترین انداز میں پتا ہو، فرائض کی مکمل آگاہی ہو، اس کے دل میں شریعت کے کسی فیصلے یا حکم پر معمولی سا بھی ابہام نہ ہو کیوں کہ جو احادیث مبارکہ حق زوجیت پر موجود ہیں باقاعدہ نوجوان لڑکیوں کی نظر میں انہیں مشکوک بنایا جا رہا ہے۔ بہت سے ایسے کارندے کام کر رہے ہیں جو کسی بھی حدیث پر جھٹ سے ضعیف کا ٹھپہ لگا کر اسلام سے خارج کرنے کا کام کر رہے ہیں۔ رہی بات تفسیر کی تو فیمنزم کا ایک بہت پرانا ٹونک ہے جو وہ ہر ایک کو پلانے کی کوشس کرتے ہیں کہ بھئی تفسیر بیان کرنے والوں میں زیادہ تر تعداد مردوں کی ہے اور مردوں نے اپنے طور پر اپنے لیے فائدے لے لیے ہیں تو اس لیے خود پڑھو اور سمجھو اب جو عورت دس سے پندرہ سال پڑھنے اور تجربہ لینے کے بعد کسی کمپنی میں محض مینجر تک پہنچتی ہے، وہ ایک سال میں قران خود پڑھ کر عربی کی شیخہ بھی بن جاتی ہے، اسلامک فیمنسٹ کے اعلی درجے پر بھی فائض ہو جاتی ہے اور اپنی مرضی کی تفسیر بیان کرنے بھی بیٹھ جاتی ہے اور دیگر خواتین کو اپنا ہمنوا بنانے کی تمام تر کوششیں شروع کر دیتی ہے۔ ایسے سنگین حالات میں یہ بہت ضروری ہے کہ بچپن سے ہی والدین اپنی اولاد کے دینی نظریات پر کام کریں۔یہ اس وقت ممکن ہوگا جب ہم اپنی اولاد کو موبائل، انٹرنیٹ اور صرف دنیاوی تعلیم کے حوالے کر کے سکون سے نہیں سوئیں گے بلکہ ان کی عمر کو مد نظر رکھتے ہوئے خود ان کے ساتھ بیٹھ کر اسلامی تعلیمات پر ان سے گفتگو کریں گے اور یہ اہم کام بھی ہم صرف اس وقت کر سکتے ہیں جب ہم خود تعلیمات شریعت میں کلئیر ہوں، ہمارے اپنے ذہن میں کوئی شک نہ ہو، ہم لاعلم نہ ہوں۔

تو عصر حاضر کے والدین اپنی ذمہ داری کو سمجھیں۔ آپ کی اولادیں اس وقت فیمنزم کے جلتے توے پر بیٹھنے کو بےقرار ہوئی جارہی ہیں۔ یہ باطل نظریہ میرا جسم میری مرضی سے شروع ہوتا یے اور انسان کو الحاد تک لے جاتا ہے۔

وما علینا الاالبلاغ

فیض عالم

پڑھیں / لبرلزم

میریٹل ریپ کا پوسٹ مارٹم

فہرست

تعارف

فہرست